明報OL：張天賦想請4歲Lucy做演唱會嘉賓 姚焯菲認輸︰佢好得意

張天賦（MC）昨晚演出商台《叱吒樂壇Brand New Live 生力軍音樂會》，他接受訪問談到傳將舉行紅館演唱會時說︰「我都聽到傳聞。公司未有最新指示，只告訴我會去大一點的場地開騷。我當然恨上紅館，但擔心不夠歌。我會努力做多點新歌，想過如不夠歌就多請嘉賓來合唱交流，始終入行後多了機會認識朋友。」

被問到可考慮邀請李璨琛女兒李元元（Lucy）做嘉賓，MC立即叫好︰「Lucy很可愛，會哼唱我的歌曲﹗我或者請她伴舞。」身旁的姚焯菲聽見Lucy名字立即認輸︰「Lucy好得意，我真的不夠Lucy得意。」

姚焯菲同偶像張天賦合唱確診炎明熹拍片：我好孤獨！

《叱吒樂壇Brand New Live生力軍音樂會》今晚（9日）在亞博舉行，出席歌手包括張天賦（MC）、姚焯菲（Chantel）、ANSONBEAN、ERROR成員郭嘉駿（193）和梁業（肥仔）等。而原定有份演出的MIRROR成員呂爵安（Edan）、楊樂文（Lokman）及炎明熹則未能到場。

Chantel向來視張天賦為偶像，2人在音樂會中合唱兩首英文情歌《Honest》及《How Many Times》，講到合唱心情，Chantel表示很開心：「因為佢唱歌好好聽，我有少少緊張，不過我之前上過呢個台，所以習慣少少。（喺MC身邊開心多啲定系驚多啲？）兩樣都有，每次上台都會緊張。」

對於Chantel的表現，MC指前一天有一齊彩排，大讚對方歌聲悅耳：「唯一擔心嘅位系有一Part，Chantel坐低聽我唱歌，佢冇嘢做，驚個氣氛尷尬。」

問到兩人會否有牽手等親蜜動作，他們表示不會，問是否擔心粉絲呷醋？MC否認：「唔關事，系導演意見，佢講乜我做乜。（如果導演要你錫呢？）咁要問公司。」

對於好友炎明熹（Gigi）未能出席，Chantel坦言：「我有另一個Gigi（張蔓姿），我都有啲掛住佢，本來諗住一齊驚，佢依家應該喺屋企休息。本身我系同佢、MC一齊合唱。（你可以獨霸MC？）我都有啲唔開心，但戥Gigi開心，可以喺屋企休息。」至於會否跟MC合照再傳給Gigi看？MC指在後台有跟全部歌手合照。

想開紅館騷

有傳MC會在紅館開騷，他保持神秘說：「根據公司指示系未清楚個場地，仲安排中，但相信系一個比較大嘅場。（你個表情好開心似有所暗示？）我好樂天，咁都恨喺紅館開騷。（擔唔擔心唔夠歌？）都擔心，所以要做多啲歌。我諗過唔夠歌，就請啲歌星朋友做嘉賓。（你圈中人緣好唔好？）我都識好多人，但就未必系好熟。（你可以請李元元Lucy？）都得，佢有哼過我啲歌，或者可以為我伴舞。」

Chantel被指有Lucy作為勁敵時，她謙稱不夠對方可愛，問MC會揀Lucy還是Chantel？MC笑言：「睇嚇要乜，可愛就揀Lucy，唱歌就揀Chantel。」

因確診新冠肺炎未能到場的炎明熹持別拍片支持，見她戴眼鏡及Cap帽上陣，精神不俗，她在片中清唱了兩句新歌《焰》，並表示：「我已經好咗好多，大家有冇掛住我？我好掛住大家，我自己好孤獨，希望快啲好番見到大家。」