星島網：李亞男難忍老公為閨密冷落自己 王祖藍狂冧老婆：娶咗你每一日都好幸福

由王祖藍主持的綜藝節目《有個閨密叫祖藍》 昨（1 日）晚播出最後一集，今次嘉賓是祖藍太太李亞男（Leanne）。

最後一集「藍男CP」終極曬冷玩勻所有閨密任務，其間祖藍自爆大女兒Gabby 於三歲時已有一米身高，而當二人被要求互數「嬲豬」事件，祖藍除驚爆Leanne 最近「駁嘴」成就解鎖、讓他險些招架不住外，又大爆老婆珍而重之藏在夾萬的東西，竟是美容Coupon 及女兒們的疫苗針卡。

祖藍曾因與閨密煲電話粥而激嬲李亞男的「嬲豬」，在節目上向王祖藍說：「你成日都半夜同啲閨密傾偈（電話），但因為不嬲（臨瞓前） 都系例牌你問嚇我啲感受先，嗰日我咁啱有感受，你就接咗其他閨密慨電話、安撫人哋慨感受，我知人哋喺度喊你系要聽，但嗰晚我唔系好忿氣，因為我都有情緒，我都想Blah Blah Blah 講，但畀佢霸咗。」李亞男更大爆祖藍事後完全不知道自己生悶氣：「渠以為我瞓著咗。」祖藍得悉真相後勁自責，並以過來人身份提醒天下男人：「同其他人講電話要留意另一半系咪介意，同埋當時個心情系點。」

當年李亞男曾忍痛與祖藍分手並飛返加拿大，但最終因按捺不住對祖藍的思念，拋下一切飛返香港，令祖藍大為感動：「嗰時身邊啲人擔心渠學壞，又驚我呃渠，本來渠諗住放低演藝事業返加拿大讀書，嗰時我都話：『我哋唔好一齊喇，勉強冇幸福，無謂令大家同身邊啲人咁痛苦。』

結果渠最後竟然自己一個人飛返嚟香港，同番我一齊。」Leanne 事後補充謂：「嗰時有諗過返去加拿大讀書就唔再返香港，但自己個心一路好想返香港，一路好掛住我男友，就扚起心肝寫咗封信畀我屋企人，話我一定要返香港去搵我慨幸福。」

結果這段最終開花結果，兩人在2015 年2 月14日拉埋天窗，製作組播放二人當日結婚片段，還要求祖藍重現當年「愛的宣言」。

祖藍發表新一輪愛妻宣言：「我以前好容易好火爆，依家畀你感染到我冇曬火。我當初寫《跌》， 『是你的聲音在訴說幸運，我盼搏你歡心』，系我心聲嚟。無論娶你有幾辛苦都好，我知道娶到你一生都會幸福，真系喎，依家娶咗你真系每一日都覺得好幸福。嗰時點會諗會生第一個女、第二個女，我哋系不停咁寫緊戀愛歷史，年年都好幸福，所以好多謝你。」

Leanne 聽完後冧爆回道：「多謝你畀我成為你人生慨女主角。」

同晚於myTV SUPER 播放的加長版中，兩人還大爆「處女黨」不為人知搞笑事。

事緣其中一項閨密任務是「講是非」，為了完成任務，最終祖藍不開名爆料， 矛頭直指處女黨其中一名「眼大大」及為人西化的成員：「我有樣嘢好佩服渠，每次我老婆出去同渠傾偈，其實我老婆都冇講過嘢。假如渠哋夜晚七、八點開始分享，可以分享到凌晨三點，中間可能十二點我老婆話不如返屋企先。

渠就會：『其實我仲有好多嘢可以講』 。到講到（半夜）三點喇，渠就會問我老婆：『系喎，Leanne，你近排點呀？你有冇咩唔開心？』仲可以點啫？眼瞓咯！」