《美麗戰場》今首播 蔣家旻開工鬧到收工成全劇最乞人憎角色

無線台慶劇《美麗戰場》今晚（3日）9點半首播，對撼ViuTV新劇《野人老師》。

《美麗戰場》劇組釋出以6位男主角為主的官方宣傳海報，陳山聰及方力申齊企C位，不過站在最前方的山聰「地位」，明顯略勝一籌，其餘4位男角包括丁子朗、姜大衛、林盛斌及張馳豪。

觀乎6位男主角劇照，以山聰及小方最有新鮮感，架上圓形金絲眼鏡的山聰，無論造型及人物性格，均似是「倒模」金牌經理人黃柏高（Paco）；小方則以官仔骨骨造型亮相，貴格十足的同時，氣勢亦比平時兇猛；而丁子朗亦會一改乖乖形象演花心渣男，劇照中他的眼神充滿邪氣。

劇中「最乞人憎」角色，監製葉念琛推介蔣家旻。飾演陳瀅妹妹鍾家琪的蔣家旻，在一系列的劇集宣傳片中「把口冇時停」，唔系鬧人就系發表驚天歪理，其中向陳瀅怒吼：「家咩姐啫，我同你唔同老竇老母生㗎！我咁聰明你咁蠢！」擺明向經典奸角甘量宏（張家輝飾）致敬。

蔣家旻受訪時坦言琪琪是其人生中暫時「最攰角色」，並笑指每日收工回家，都感覺「散曬」：「琪琪系鬧得最多人，好乞人憎、對白又賤格。我做呢個角色情緒，系由內攰到外，每日拍完都成個人散曬，唔系眼瞓嗰只攰，系有虛脫慨感覺。因為正常鬧人唔會鬧幾個鍾，但我每日拍戲，都鬧足10幾個鍾，因為我冇一場戲系可以好平和，就算平和慨狀態，都系挑釁人哋，所以需要慨能量好高。」

談到角色「金句」浪接浪，蔣家旻笑言全是葉念琛功勞，並透露葉念琛會即場改對白：「渠有時現場有諗法，就會即場改得再衰啲、再賤格啲，渠寫慨對白都幫到我入戲，令個角色立體啲，佢好知道自己要啲乜。」

蔣家旻笑指不少看過劇集的同事都直指她「乞人憎」，令她相當開心：「我好Enjoy畀人鬧，證明我做到嘛，都想大家睇得投入。」

星島網：陳瀅身處巴黎缺席首播宣傳 方力申驚訝原來飛得:總之我都飛

TVB台慶劇《美麗戰場》今晚首播，劇中演員今日出席宣傳活動為首播造勢。女主角陳瀅因身處巴黎出席時裝周，今日缺席活動，但有拍片越洋為演員打氣，又在巴黎鐵塔下叫大家一定要收看劇集，並表示會儘快趕返香港。

監製、導演、編劇葉念琛笑指今次由林盛斌做男一有少少驚，希望大家包容，劇集快拍快播，大家士氣好高，希望頒獎禮有收穫。劇組準備了蛋糕為昨日46歲生日的陳山聰慶生，其生日願望就是劇集收視創佳績。

山聰坦言有了兒子之後，生日可以簡單度過，前日跟胡定欣一班好友慶祝，昨日正日留給家人，最緊要兩部台慶劇好收視，未知台慶頒獎禮有否提名，因人生首次有兩部台慶劇。