星島網：蔣家旻入行16年憑奸上位望爭女配 演「反骨琪」太投入激嬲屋企人

蔣家旻在台慶劇《美麗戰場》中演奸到出汁的「反骨琪」被激贊，雖然首次挑戰大反派，但在導演葉念琛力推下入曬戲，戲裡戲外都「鍾家琪」上身，奉旨臭寸。

她自爆拍攝期間被葉導「警告」唔好再冇大冇細，仲嚴厲提醒她勿對劇組冇禮貌。蔣家旻更入戲到連對住家人都好乞人憎，開到聲不滿她講嘢太mean，為演好「賤精」角色瘋狂得罪人。

採訪：方騫平攝影：羅安強服裝：SUNCOO 髮型：Jay Cheung @ Hair 場地：Studio Meta

32歲的蔣家旻憑《美》劇省靚招牌，劇中演繹心狠手辣慨琪琪，除咗搞到冧渠慨馬老師(陳嘉輝)傾家蕩產最後死埋，仲陷害繼姐阿寶(陳瀅)，害死繼父(杜燕歌)，被網民封為「新世紀賤精」，導演葉念琛都話睇到心寒。蔣家旻希望此劇能獲「最佳女配角」及「我最喜愛電視女角色」5強提名，算是對自己入行16年的一個交代。

參考張家輝演人渣

今次奸到上位，蔣家旻得到很大迴響坦言有滿足感：「葉念琛信得過我，選我演呢個角色，渠覺得我骨子裡有黑暗一面，其實我同屋企人鬧交都會好激。」

劇中有句對白「家咩姐啫！」最討厭，她坦認取自張家輝於劇集《天地豪情》的一句經典對白，拍前葉導提供片段讓她參考，她用家輝tone再加入個人風格，加多兩份力再做得衰格及奸狡啲。

她說：「其實導演成日push我去到極致，有時放完兩日假，渠就嫌我眼神變得柔和咗，提示我要凌厲返啲，笑容再要奸啲，所以拍攝時我冇睇Playback，我好信任渠，如果賤到人哋想打巴我咁就成功喇！坦白講佢唔系寫得咁衰，我唔可以做得咁盡情，系要互相配合，連自己睇返都覺得好正，好想知道之後有咩事發生。」

為投入要孤立自己

由於拍攝期間太投入，蔣家旻不自覺「反骨琪」上身，臭寸到爆：「拍到第二個月，我同葉念琛講嘢會變得冇大冇細，以前我會用斯文語調追問導演『可唔可以請食飯呀？』、『系咪叫外賣？可唔可以請我食？』喺嗰段時間我會粗魯話『咁點呀？你系咪請我食飯呀？』、『我又食，系咪買外賣？』

雖然渠知道我系入咗戲，唔系唔尊重渠，但渠都忍唔住同我講『可唔可以唔好咁放肆去講嘢呀？我真系驚咗你！」另外，收工攰爆返到屋企，蔣家旻不甘被家人問長問短，坦言變得唔耐煩及躁底，講嘢都寸咗少少：「好似以前會話『唔使啦！』變咗『都話唔要呢個咯…』其實渠哋唔理解我，唔明點解我會變到咁八婆，我有時嫌煩咪唔出聲囉，好彩拍到第三個月，拍曬啲大場面就回復返正常。」

她又強調5位女主角陳瀅、劉佩玥、陳曉華、朱晨麗都齊心協力，拍群戲時會畀戲互相幫助，唔使爭出位。

她說：「我個角色keep住衰格，葉導叮囑演員，開工時唔好同我傾咁多偈，所以拍完套戲同陳瀅、劉佩玥及陳曉華都唔Close，只系好對手，冇計喎，我哋角色系敵對慨，有太多嗌交，我要長期進入狀態唔會傾到嘻嘻哈哈，只會食飯時傾兩句，好似被孤立咁，其實只系受角色影響。」