星島網：葉念琛再爆《美麗戰場》劇情 方力申超絕冧招私有陳瀅

葉念琛繼續向《星島頭條》預告《美麗戰場》劇情，本周故事重點落在選美會，除了有「阿寶」和「反骨琪」的競爭，還有台前幕後的明爭暗鬥，葉導更叫大家估嚇陳瀅演的「阿寶」和小方演的「宇少」，究竟有邊個名人影子！？他仲大爆「阿寶」將會俾「宇少」的冧女絕招媾掂！採訪：杜杜

劇集播出兩周，暫時飾演「反骨琪」的蔣家旻演技獲贊，更被捧紅，但身為女主角「阿寶」的陳瀅演技卻被狠批，葉導即為她平反，仲劇透「阿寶」往後發展，「一星期可以捧紅咗『反骨琪』蔣家旻，但系『阿寶』個角色咁多爭議系預期之內，因為蔣家旻個角色系攻，陳瀅個角色系守，陳瀅自然會冇咁出，不過大家等嚇啦！之後『阿寶』系比『反骨琪』有過之而冇不及。」

揭選美會內幕

上周劇情尾聲「反骨琪」回歸，由以往MK妹變千金小姐再現身，葉導形容是升級版，連她對住評判的戲一樣有升級。

葉導就預告本周劇情繼續以選美會為主，大家除了要留意「阿寶」和「反骨琪」繼續惡鬥外，還要注意兩女的後台同樣在角力，還有她們亦要跟其餘十位參選佳麗明爭暗鬥。

他說：「以往講選美通常講台前，今次會講埋後台，系咪揭選美會內幕，就要觀眾自行分析。」葉導又提提大家要注意，「嗰十個後選佳麗本身連登仔都會認識，而樊亦敏系個重要角色。」

文章來源：TVB資訊台 W博：@香港TVB資訊台

網民除了討論劇情，還迷上估劇中角色「原型」，譬如陳山聰演的「王一言」就被指以黃柏高（Paco）作藍本，看到這個現象葉導都覺得好有趣，「大家好鍾意對號入座，系幾有趣慨，但系作為製作人，我當然唔會講系邊個，同埋好多時藍本可能唔止得一個，因為我哋唔系拍緊《娛樂插班生》，但系咁樣估嚇系好玩慨。」

見大家玩得開心，葉導就出題畀大家繼續估，「陳瀅戲裹面個英文名系專登叫『Michelle』，而同渠演一對慨方力申（宇少）會出場，佢咁耐都未試過戴眼鏡演戲，我堅持要渠戴，大家自己估嚇點解啦！」

好姊妹將反目

葉導又見觀眾對張馳豪演的「家明」，追「阿寶」整「女朋友面」（即餐蛋面）冧女，被大讚浪漫，於是忍唔住再劇透，「大家要留意第十二集，小方追阿瀅慨方法仲誇張，系另一種慨冧女方法，但系大家唔會學到，女仔一定會冧，睇完大家就會明白渠點解會追到『阿寶』，咁追法應該冇女仔會拒絕。」

除了陳瀅跟小方這對緋聞情侶談情要留意外，葉導認為劉佩玥（Moon）和林盛斌（Bob）這一對觀眾亦會鍾意，仲大讚Moon演得好。

他說：「大家暫時幾鍾意Moon演慨『靜兒』，佢個角色系難演，暫時冇乜嘢做咁，只系一個好朋友慨角色咁出現，但系每個人都會希望有個『李靜兒』咁慨好朋友喺身邊，但系一個咁有義氣慨好朋友會好容易受傷，大家如果代入咗渠哋三個好姊妹慨友情，嚟緊會見到渠哋反目會好心痛。」