星島網：《美麗戰場》結局篇劇情大逆轉

葉念琛泄「阿寶」變過街老鼠 陳瀅演技爆Seed

《美麗戰場》來到結局篇，《星島頭條》當然唔放過靈魂人物葉念琛。葉導一開波講明會「口緊」，怕太早劇透觀眾睇得唔夠過癮，但都滲少少劇情。

如「阿寶」會全面黑化，搞到眾叛親離，又預告林盛斌同劉佩玥這對會有感動位令關係升級，以及朱晨麗和何依婷會輪流被揭開真面目。採訪：杜杜

葉導對於劇集得到廣泛討論表現興奮，來到結局篇討論更加激烈，「網上好多結局慨版本同埋劇透，我只可以講好多TVB內部慨人睇過，呢五集就好似過山車一樣，好多嘢會大逆轉，好似朱晨麗同埋何依婷個真面目大家都未睇到，好多人慨底牌，觀眾都未知。」

講到幾個惡人的下場，葉導只透露該劇講因果同報應，相信「反骨琪」和「阿進」都會惡人有惡報。

劉佩玥預告露玄機

陳瀅接受《頭條日報》訪問時，曾劇透「阿寶」身邊只凈返一隻狗陪伴，葉導承認「阿寶」最後會眾叛親離，「其實預告度劉佩玥對『阿寶』講嗰句好啱，『你以為得到所有嘢，其實系失去所有嘢』，大家成日話陳瀅個角色同演技都好弱，但系等到最後呢五集，『阿寶』所有嘢為自己後，渠會真正黑化，失去曬所有友情、愛情，呢個系渠選擇嚟。」

葉導又再解構「阿寶」角色，指她是個深藏不露的女仔，其實比起「反骨琪」更加陰險，「渠其實一直都系個好計算慨人，只不過渠咩都收埋嚟做，你睇佢要脅麥秋成演慨『趙生』就知，佢唔系大家想像中咁簡單，最後呢五集慨劇情，大家會睇到渠有毛有翼，自己有能力後渠慨真面目先會出現，真正慨『鍾家寶』先至成形。」

有信心迎戰《季前賽》

對於觀眾好鍾意林盛斌（Bob）同劉佩玥（Moon）這一對，葉導就透露，「家講到2022年見到渠哋兩個系情侶關係，純系上司同下屬，但嚟緊Bob會為女方做啲超感動慨嘢，其實之前預告見到渠哋兩個會攬埋一齊，到底Bob做咗啲咩令Moon咁感動呢？呢五集就一定要留意。」

葉導又開心透露該劇播出以來，每周收視都穩步上升，原來上周已突破20點收視，對於本周將迎戰ViuTV的《季前賽》，他仍對《美》劇有信心。

他說：「睇一個劇唔代表唔可以睇埋另一套，大家想睇總會睇到，因為可以任何時間重溫，大結局慨內容已經系最猛火力落重料，要睇觀眾慨選擇，況且每個劇家唔系得一個對手，要斗系同全部娛樂去斗。」