丁子朗同网民一齐闹“渣男”！向叶念琛自荐做男版“阿宝”

星岛网：丁子朗用真身同网民一齐闹“渣男进” 向叶念琛自荐做男版“阿宝”

一向形象健康兼演开乖乖仔的丁子朗，在《美丽战场》首度演绎极品渣男“阿进”，最初丁丁都冇自信演到，但后来已接受，面对网上负评更由唔开心变齐齐闹。演完渣男自信大增的他，更直言要向叶念琛自荐做男版“阿宝”。

采访：杜杜摄影：罗安强

因为丁子朗无信心演得好“渣男进”，叶念琛同渠由黄昏6点倾到凌晨12点，出尽力去说服，到现在他听到有人叫渣男竟然好兴奋。

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他说：“渣男成为我代名词，我系渣男，哈哈！”

丁丁多谢观众投入角色，不过承认最初睇到网民留言闹佢唔开心，但之后用真身闹埋一份，“又话我油腻，又话我系‘普信男’，即系咁普通但好有自信，点会追到陈晓华，但睇得多又觉得几好睇几好笑，家上咗瘾系咁睇留言，仲会用自己account覆，仲帮手闹埋一份，令到我同网民慨关系拉近咗，好开心。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

好惊打伤陈晓华耳仔

讲到虐打陈晓华，丁丁坦承相当难演，最怕整伤对方，“Hera块面真系异常地细，我对手系可以包晒渠成个人头，好惊一掴就会打中渠耳仔，对耳膜有影响，辛苦晒陈晓华，争佢好多餐饭。”

丁丁剧透再遇“小美”一幕其实更难演，“我会以全新形象返嚟，再做一啲更不堪慨事，系一个大反转，嗰场都好大压力，又系惊整亲渠，会有少少动作场面，要瞓喺条路难控制啲，大家值得期待。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

丁丁直言演完“渣男”已冇有怕，更有信心挑战更多不同角色，特别恨演“锺家宝”这类转变极大的角色，“等我问吓导演开唔开男版‘阿宝’，我自荐做！”

角色成功弹出，丁丁有信心再获提名“飞跃进步男艺员”，“今年唔系演技上慨飞跃，系角色上慨飞跃，试咗唔同慨新嘢，年头有《青春不要脸》，对我系好大挑战，做戏嚟讲好大转捩点，加上《美丽战场》慨渣男，如果提名多次‘飞跃’都有信心慨。”