明報OL：下流上車族｜鮑起靜日文戲即學即演林景程被激發淚水

林敏驄、江美儀、鮑起靜、郭柏妍等主演的無線台慶劇《下流上車族》，昨晚一集毓霞（鮑起靜飾）與家寶（林景程飾）兩母子關係再起變化。

隨著狗狗次郎走失，似有所頓悟的毓霞借意引家寶回家，透過視像請求新抱拍下她向親家老爺道歉片段。不諳日文的毓霞拿著寫滿中文拼音的貓紙，逐隻字以日文讀出內容。

她說︰「抱歉，我錯了，我對你的女兒不夠好，請你寬恕......我只有一個兒子家寶，我一直不懂管教，但他做事肯學肯挨，希望你多給他機會，不要再罵他，拜託你了。家寶只要得到家人支持，他便可以做好女婿、丈夫及父親的角色。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

毓霞以有限的日文，表達出對兒子無限的疼愛，在旁的家寶亦被阿媽的突變感動，眼濕濕說：「我咁大個仔，未聽過你同人道歉，你今次仲要係為咗我同人道歉......」兩母子最終和好如初，場面感人。

鮑起靜（鮑姐）再獻神級演技，就連以日文講對白都滲出戲味。講到這場日文道歉戲，鮑姐說︰「好彩當日有個幕後日文好叻，渠喺現場教我點講啲日文，即場教即場演。我以前都有睇開日劇，所以啲音都系聽慣聽熟，所以好容易學。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

問到講日語演戲會否影響情緒表達，鮑姐笑言：「其實只系將日文寫成中文拼音嚟演繹，同埋角色本身日文唔叻，讀慨時候梗會窒窒嚇，但係為咗個仔唔識講都要講，呢個就系角色真實慨情緒。」

憑「衰仔」角色入屋的景程，透露拍攝該場戲前特意獨處培養情緒。他說︰「正式拍嗰時冇想像中咁辛苦，因為100%畀鮑姐牽動咗個情緒，渠真系畀到一個老人家好用心去學日文慨感覺出嚟，聽住渠讀嗰段日文好感動，我啲眼淚好自然咁流出嚟，拍之前冇設計過幾時要喊出嚟，完全系感受住鮑姐啲戲去演。」

景程又指幸好該場喊戲一Take過完成：「對我嚟講系好舒服，如果要我喊多幾次，可能都冇第一個Take演得咁好，但對鮑姐嚟講就冇咩難度，佢好多場戲好似開水喉咁，話喊就喊到！鮑姐拍呢場戲前，仲同緊工作人員談笑風生，但渠一入咗個角色個情緒就已經喺度，佢唔系演緊個角色而系活緊個角色，每一場戲都令我嘆為觀止。」