TVB绿叶脑瘤影响手脚灵活！死过翻生想演好戏台庆夺奖

星岛网：刘家聪脑瘤影响手脚灵活无阻修读中医学位 死过翻生想演好戏台庆攞奖

44岁TVB艺员刘家聪参加台庆节目《全城一叮》，分享2017年尾切除6CM大脑肿瘤后，曾半身瘫痪的亲身经历，嘉宾评判冯盈盈亦被感动到狂喊。面对大病，家聪并冇自怨自艾，反而抱积极态度面对人生，他笑住说：“系畀机会我放下做个平凡人。”

自此家聪性格亦改变，学识放慢脚步好好享受，以往工作时最常见的忟憎亦消失。他最想用丰富的人生经历，发挥于演技上，引起共鸣，将来有机会在台庆获得奖项。

采访：方骞平摄影：罗安强场地：三军会

“生命斗士”刘家聪相约《头条日报》记者到他的“第二个家”做访问，原来术后他经常到该会所游水、温书、甚至睇风景，过住平凡人生活。

家聪透露每年的覆诊报告，医生都以“靓仔”形容，算系叫大病痊愈，但因为肿瘤位置影响到行动区，目前行路都会拐吓拐吓，手部活动亦冇正常人咁灵活，所以《全城一叮》中表演手影及沙画，要花足两星期日以继夜练习。

大手术后个人平和晒

唔烟唔酒热爱做运动的家聪，2017年尾任职有线电视娱乐新闻台主播，由于每日返工愈嚟愈攰，加上脚力变差，行得好辛苦，讳疾忌医一排终于面对现实睇医生：“感恩医生用温和态度讲解病情，所以畀信心渠医我，安排喺10日后开刀，仲记得医生叫我乜都唔使准备，惟一术前要食好啲，我仲食埋个自助餐先入院。”

直至做完7个小时大手术清醒过后，家聪有重生感觉：“我喺病床上第一个五感系‘点解世界唔同咗？点解突然咁平静，啲嘢咁慢？多咗咁多色彩慨？’原来系畀机会我放慢脚步，睇嘢细致咗系开心㗎，可以享受过程，细味每一样嘢，亦冇咗以前做采访时慨忟憎。”

当时家聪相信靠意志一定行得返：“其实要多谢TVB，做艺人冬天跳海，夏天拍古装，瞓埋棺材，我哋乜都挨过，就算冇钱开饭都挨到，只要放下，面对就可以。”

最后家聪唔想半夜惊动家人照顾他去厕所，一个月后迫到自己企返起身行路：“家我都唔担心双脚会唔会再有好转，因为呢个只系皮囊，最重要系内在。”

经历丰富变“老火汤”

因为多咗好多人生经历，家聪形容自己变成“老火汤”，内里有最浓缩汤料，个人愈来愈成熟：“男人系要有经历先可以成长，家我乜嘢都可以演到，唔系得个空壳，所以要争取自己慨舞台，希望观众可以感受得到我慨故事，从而引起共鸣。我慨人生目标除咗培育囡囡做有智慧慨人外，仲好恨攞到台庆奖项，但求有奖，乜奖都得，新人奖都得…”

未完待续,请点击[下一页]继续阅读