林敏𩨂首拍剧同鲍姐斗演技被捧视帝大热 唔在乎︰视帝系乜嚟

星岛网：林敏𩨂首拍剧同鲍姐斗演技被捧视帝大热 唔在乎︰视帝系乜嚟

63岁林敏𩨂入行超过40年，第一次拍剧《下流上车族》已获佳绩，首周有23.9点收视，上周更达26.8点高收视，一向招积的𩨂哥，认叻之余，亦开心表示遇着鲍起静和江美仪两位好对手，仲自觉同鲍姐斗演技都无处于下风，自我感觉相当良好。至于被网民捧为视帝大热，他就完全唔恨攞奖，认为有网民赞已当赢 。

采访：杜杜 摄影：谭志光 服装︰@LAKH、@Novelty Lane

讲到剧集首周已有23.9 点收视，𩨂哥坦承估唔到，“都系狗屎撞棍，机缘巧合。”若然30点收视会否著泳裤答谢大家，他不离风骚本色话：“到30点我帮Carman（黄嘉雯）换泳衣，（帮校长换唔拣阿女？）乱伦咩！（识拣港姐冠军㖞！）咪系。”

赞网民识睇戏

对于剧集受欢迎，𩨂哥认为自己的第一次对观众来讲最有睇头，“佢哋觉得你第一次拍剧，就算纯搞笑乱晒笼都接受，更加唔expect你做得到，而且做得到咁好，同鲍姐有得斗吓，唔系下风，系过招，仲要赢佢。”

讲到同鲍姐及江美仪合作感受，他笑言：“冇下次啦！哈哈！因为已经做到最好。”他更大赞戏中老婆江美仪是个好对手，“对佢慨印象系戏好好，呢个系无容置疑，如果家话畀我听，佢唔做我都唔知揾边个做，做到一样咁好慨效果，佢系助攻王嚟。”

谈到被网民捧为视帝大热，𩨂哥一脸不在乎，仲认为有口碑更重要，“视帝我都唔知系乜嚟，系几时㗎？冇所谓啦！畀得起我攞得起，佢唔畀我咪当跌咗啰！网民已经畀咗，佢唔畀冇所谓，我叫网民去淘宝整返个一样，都系一嚿胶嚟，人哋话你得慨时候，已经当得咗。”

原来他透过导演一直有留意网民反应，“我估唔到佢哋咁识得睇戏，嗰啲后生仔通常乜都闹㗎嘛！但系冇闹，佢哋知道啲幕后嘢，甚至赞埋啲镜头好，做得好佢哋又知道，知道啲戏扮唔到出嚟。”