鄭嘉穎靠《仁醫》夠入屋司機請搭的士人生第一次

藝人鄭嘉穎、馬浚偉、應屆港姐三甲宋宛穎、梁凱晴和邵初等，今日（5日）現身聖誕活動，引來不少市民圍觀，有市民更大呼鄭嘉穎為「鬍鬚醫生」。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

活動後他指雖然《星空下的仁醫》收視不算大爆，幸外間口碑不俗，而角色更帶挈他免費搭的士：「人生第一次搭的士唔收我錢，我下車想畀錢的士司機堅持話請我搭，叫我拍多啲好劇就得，個感覺好特別，好多謝司機叔叔。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到他被視為視帝大熱，他謙虛地說：「唔好咁講，我已經攞過，希望畀啲未攞過嘅，好似張振朗操得咁辛苦，仲有譚俊彥，因為一個獎項改變咗我一生，都希望畀未攞過嘅人，意義更重大，其實我參加頒獎禮咁多年，明白遊戲規則，我唔知幾時先再返TVB拍劇，不如畀啲仍然喺公司嘅人，會更加有用。

（《仁醫》咁成功會唔會多啲返TVB拍劇？）有好角色好劇本可以搵我，我唔係為獎項啦，系希望退休前拍多啲好作品。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

聖誕將至，他表示最注重聖誕和農曆新年，會和親友搞派對，每次都很熱鬧，又笑言現時為全職湊仔公，直至通關為止：「都要搵學費㗎，兩個仔仲細，仲有20年要養起碼，如果生性嘅話，唔生性仲耐，諗起都兩滴汗。」

邵初負責布置聖誕樹宋宛穎買紅絲絨蛋糕應節

應屆港姐三甲冠軍宋宛穎、亞軍梁凱晴和季軍邵初，今午（5日）現身聖誕活動，引來不少市民圍觀，宋宛穎說：「嚟緊成個月都要開工，好彩24、25號有假放，會同朋友慶祝，我聖誕最鍾意買『紅絲絨蛋糕』，因為紅色好有聖誕氣氛。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

梁凱晴也表示每年也會與朋友開派對：「會玩交換禮物，通常會買啲『伏』嘢畀大家，哈哈！我試過收到份好大份又夠重量嘅禮物，拆開原來系包米。」

至於邵初就表示每年聖誕家中都會擺放聖誕樹，自己會負責布置，亦會與其他佳麗一同慶祝。