明報OL：高海寧未否認身家豐厚 黎諾懿不敢隨便介紹男仔

黎諾懿昨晚與高海寧（高Ling）、張振朗、賴慰玲等錄影遊戲節目《唔玩唔知有獎攞》時，自嘲不再年輕，玩遊戲時考驗筋骨，要反手幫高海寧除衫，難度很高。他笑說：「我已為人父母，幫人除衫經驗豐富，幸好平日訓練有素，剛好搭夠。最難忘兒子曾因肚屙致尿片滲漏，我和他滿身『黃金』要撲回家沖涼。」

高海寧自言經歷過為弟弟和表弟妹換尿布的日子，因此有不少湊仔經驗。

諾懿稱高海寧曾到訪家中探望其兒子，見過她湊仔工夫不錯，有潛質做多仔婆和好媽媽。他說︰「高Ling本身是富婆，擇偶條件要靚仔、有才華，一定要物色到筍盤才敢介紹給她。」高海寧笑說：「基於吸引力法則，我不否定自己是富婆，才做到富婆，跟有錢的諾懿做朋友。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到李佳芯（Ali）傳有新歡，他們稱不知情：「可能只是巧遇朋友食餐飯，大家不要太敏感，暫時保持神秘感，等Ali回來親自解答。其實我們都很想知，要約她食飯問問。如真的找到對象，當然戥她開心。」

鄭伊健即將舉行演唱會，諾懿表示鄭太蒙嘉慧已從日本返港，他屆時也會和家人捧場。諾懿說：「為保障鄭生健康，避免開騷其間感染新冠病毒，我們不會去後台探班，等尾場完騷才見他。」被問到可有自薦做演出嘉賓時，他笑說：「他首首歌我都識唱，但我怕演繹到變新歌， 獻醜不如藏拙。」

怕空歡喜高海寧黎諾懿唔敢祝福李佳芯有新歡

藝人黎諾懿及高海寧（高Ling）昨晚（15日）亮相TVB節目《唔玩唔知有獎攞》直播。事前諾懿透露彩排試玩其中一個遊戲時，要反手為拍檔脫衣。記者打趣問他這方面是否經驗十足，他搞笑答：「梗系啦，咁大個人話唔系，咪好冇面！（最難忘嘅除衫經驗系點？）咪幫我個仔囉，試過佢爆屎搞到我一身都系，我同老婆一個抱住佢、一個揸車趕返屋企，當時所有父愛出曬嚟。」

高Ling原來「湊仔」經驗亦十足：「我湊過細佬同表妹等，更加試過洗屎片，經驗話畀我知要用清水沖走曬啲污糟嘢，然後再用手擦先得。」諾懿即接口：「佢有條件做賢妻良母，睇佢湊我兩個仔嘅手勢已經知，況且佢好鍾意小朋友，結婚之後應該不斷生。（你快啲介紹筍盤畀佢啦。）搵緊，不過高Ling又要靚仔又要有錢，先可以襯番佢呢啲富婆。」高Ling即回應：「咁我好相信吸引力法則嘅，唔會否認自己系富婆，同埋想自己有錢，先可以同佢呢啲富翁做朋友。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到二人好友李佳芯與疑似新歡同游日本，諾懿笑說：「我連佢去咗旅行都唔知，仲打畀佢添。等佢返嚟自己講啦，我身邊啲兩位朋友，即系高Ling同佢年紀都唔細，如果真嘅話都恭喜佢，但未證實就唔好高興住，免空歡喜一場！」

高Ling更搞笑謂：「大家唔好太敏感，驚對方路過咁啱畀人影到咋，李佳芯返嚟真系要約佢出嚟審問嚇。」諾懿透露台慶出台席名單上發現有李佳芯名字，相信她已低調返港。

另外，提到好友鄭伊健即將舉行演唱會，諾懿坦言身體力行買飛支持：「儘量日日捧場，起碼睇4、5場啦，不過接到通知，尾場先可以見佢，期間佢要做足防疫措施，唔可以見所有到場支持嘅親朋戚友。」