星島網：郭富城默認做台慶特別嘉賓：留給TVB公布

郭富城（城城）16日出席商場聖誕亮燈活動，特別為活動把20年前舊歌《戰場上的快樂聖誕》改編成聖誕慈善主題曲《我們的快樂聖誕》，為香港血癌基金籌款。

有傳城城將為TVB台慶擔任特別嘉賓，他表示有看相關新聞，但暫時未能透露，他尊重TVB ，由TVB方面公布。

不過城城默認：「我只可以講自己喺TVB出嚟，今年系TVB慨55周年台慶，知道有好多自己讀訓練班慨長輩同老師會出現，自己個心都好想見渠哋，因離開TVB做歌手、演員之後都冇機會見他們，喺今年呢個特別日子，好想喺當晚見大家，至於會唔會表演就留畀TVB公布。」

城城坦言受疫情影響已兩年沒出席商場活動，他指商場的聖誕燈飾以囡囡喜愛的獨角獸作主題，所以會帶囡囡再到訪。

今年聖誕亦會扮聖誕老人凼囡囡，但因要拍戲而暫不離港，未能帶家人外游過聖誕，等過年後有機會到美加巡迴演唱才攜同家人順道旅行。

他坦言近年疫情已很少出埠，若成事，自己可以見到fans ，囡囡又可以看他表演，公公和婆婆也沒去過美國，難得大家在疫情能鬆一口氣。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

郭富城飲水思源為無線賀壽見恩師敍舊

天王郭富城在尖沙咀出席聖誕亮燈活動，預告會出巡帶女兒睇燈飾。有傳他會擔任無綫台慶的表演嘉賓，他默認返娘家賀壽，表示要留待TVB公布消息：「好希望當晚見到大家。」

舞台王者郭富城（Aaron）昨晚在尖沙咀出席大型聖誕亮燈活動，他在改編自20年前作品《戰場上的快樂聖誕》而成的慈善聖誕主題曲《我們的快樂聖誕》的音樂襯托下登場，充滿節日氣氛。身穿熊仔冷衫的他在台上指屆時會帶女兒前來湊熱鬧打卡，而他每年都會扮聖誕老人凼女兒，笑言會趁機向身旁的聖誕老人取經。

聖誕帶囡囡湊熱鬧

Aaron受訪時指今次改編歌曲既為慶祝聖誕節，亦為慈善機構籌款，希望為小朋友帶來歡樂：「一定會帶小朋友嚟，佢哋好鍾意獨角獸，頭先喺屋企，個女都帶住獨角獸頭箍，應承咗會帶佢嚟。」

有傳他會為無綫台慶擔任表演嘉賓獻唱金曲，他默認：「暫時唔講得住，等TVB公布，要尊重番TVB。我只可以講一樣嘢，我系TVB出嚟嘅，你就可以知道我個心系點。今年55周年，亦都知道我讀訓練班時候嘅前輩同老師都會出現，我個心好想見佢哋，自從做咗歌手、演員都冇乜機會見番佢哋，今年系好特別嘅日子，所以好希望當晚見到大家。」

問到聖誕節會否舉家去旅行慶祝，他說：「冇咁快，嚟緊要喺香港拍戲，可能過年後或者美加巡迴演唱會成事，到時帶埋兩個女，一家人去美國，等啲Fans見嚇佢哋。佢哋都大個，可以睇爸爸表演。」