星島網：林淑敏患癌獲韓馬利陪伴 對方遇大病卻不曾在旁守護感內疚

TVB昨晚（19日）直播《萬千星輝賀台慶2022》，趣劇環節林盛斌（Bob）扮演影帝多次因人為因素要NG，最後連飲5大杯奶，睇見都辛苦，但就令台下觀眾及高層笑爆嘴，林盛斌為娛樂大家真是非常敬業。

趣劇中，陳嘉慧只得一句對白，怎樣也說不好，連累林盛斌多番NG，最後獲得前輩胡楓、安德尊及韓馬利安慰場面感人。

不過最感人的是多位後輩驚喜現身向前輩獻花，其中林淑敏就提到做新人的時候，多次獲得韓馬利鼓勵，事業遇低潮又得到對方金錢上的協助，就連早年患乳癌韓馬利都一直陪伴她度過難關。

可是韓馬利4年前不幸患上腦膜炎，林淑敏卻不曾在旁守護，她對此感到非常內疚，二人最後哭成淚人相擁。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

明報OL：阿Bob狂飲牛奶完騷即嘔網民︰不應用身體來搞笑

林盛斌（阿Bob）在昨晚TVB《萬千星輝賀台慶》上的台慶趣劇中狂飲牛奶，劇情講述在圈中甚有地位的他伙拍新人陳嘉慧拍廣告，他要在廣告中飲牛奶，卻因為不同原因而NG重拍。

阿Bob最後足足飲了5杯，其中一杯更非常大杯，加上要杯杯清，一度飲到噴了出來。這個故事以搞笑角度，帶出演藝前輩為後輩付出很多。

阿Bob事後在社交平台留言︰「啱啱嘔完，舒服番啲，希望大家鍾意呢part。」不少圈中好友留言慰問，大批網民亦留言稱這個表演環節雖然好笑，但他們卻愈看愈擔心，勸他「搏還搏，小心身體，你仲有成頭家」、「不應該用身體來搞笑」、「擔心你頂唔頂得順，下次都系唔好啦，寧願睇你除衫震腩」。

阿Bob今早在社交網留言︰「首先多謝大家慨關心問候，放心放心，冇事冇事。其實為咗彩排呢一part，呢幾日都有少少用力過度嗌得大聲咗，搞到未on show把聲都已經開始沙沙哋，加上排戲慨時候都試飲咗好多水，搞到肚脹脹，真系好鬼頂，講真，都有影響到噚晚做司儀慨狀態同表現，喺度要同製作單位講聲唔好意思。」

「最後嗰杯加大碼應該系幕後想加強喜劇效果，所以俾個驚喜我，不過，難我唔到慨，我嚇大㗎，飲咪飲，誰怕誰，只希望大家睇得開心同過癮。我更加希望大家會喜歡下半部份，三位前輩事前系完全唔知我哋有咁樣慨安排，因為彩排慨時候最後個結尾並唔系咁慨，見到渠哋流露出真摯動人慨反應，就系我哋最想做到慨效果！」

「多謝所有我認識與唔認識慨演藝界前輩，因為有你哋為下一代開路同遮風擋雨，無私地將你哋慨寶貴經驗同專業精神傳承落去，先可以令我哋呢個行業繼續生生不息。再一次多謝大家收睇，希望大家鍾意。PS 我隔籬嗰個叫陳嘉慧，非常好慨新演員。」