新一代愛妻號︱錫到燶！洪永城38歲生日似老婆牛一

藝人洪永城同老婆梁諾妍（Inez）今年7月雙喜臨門拉埋天窗，Inez現懷孕9個月，隨時卸貪！尋日（6號）系洪永城38歲生日，兩公婆去咗南丫島一日游，夜晚返屋企簡單切蛋糕慶祝，生活平淡，但過得相當快樂。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

洪永城將一家「四」口合照放到社交網與眾同樂。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他留言放閃：「佢（Inez）話好耐冇去過南丫島、佢話好想試嗰間泰式餐廳、佢話想去戶外影嚇相睇嚇日落、佢話想食芝士蛋糕、點都好，最緊要佢滿足我就滿足。我問佢我份禮物呢？佢話咪畀咗你囉（跟住指住個肚。）yes of course, love you. Happy birthday to me.」

呢份禮物比任何嘢都珍貴、無價，隔住個Mon已經感受份溫馨！

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

一星期內兩個「BB出世」！洪永城緊張又興奮

洪永城與C君擔任監製及演出歷時3年創作的原創劇集《凶宅清潔師》，在myTV SUPER率先推出，兩人今日（7日）在將軍澳電視城出席記者會。

洪永城在台上笑言今次最大的挑戰是與J2創意總監C君合作，他笑說：「依家唔敢潤佢，驚出年J2節目冇我份。」C君則笑說：「你潤唔潤我都冇份啦。」

昨日（6日）是洪永城生日，大會突然送上蛋糕，他透露大肚太太BB將在一個星期內生得，即感動得眼濕濕，他受訪時說：「呢個月自己有兩個『BB』出世，好開心、好興奮，自己覺得好幸福、好幸運。（就嚟做老竇緊唔緊張？）醫生話一星期內出世，叫我哋做定心理準備，已經同《法證先鋒V》請咗兩星期假，老婆同BB改咗乳名『洪寶寶』，中文名就出世後搵師傅改。」

C君笑說：「點解唔叫做『洪薄仔』？」洪永城笑說：「女仔嚟㗎嘛，同埋我本紅簿仔一早都去咗老婆度。」

洪永城透露昨日與老婆到南丫島散步食豆腐花，享受最後一個二人世界生日，期間更有驚喜，他笑說：「老婆突然話個肚好痛，我話唔好痛住呀，呢度南丫島嚟㗎，不過後來冇事。」