星島網：一文睇曬《仔仔一堂》10位型男騷肌相

「嫩版王浩信」Louis動靜皆宜勁屈機

王賢志（Vinci）監製及主持的真人騷《仔仔一堂》（ Boyscation ）將於下周一（28日）逢周一至五晚十點半於J2 82台播映，今次以「絕不歧視愛情」為中心思想，找來10名外型、學歷及事業等條件不俗的仔仔參與拍攝。

透過比賽、朝夕相處及參與不同任務，增進彼此間的交流及感情，令觀眾更深入了解性小眾如何衝破障礙、獲得親友諒解及支持，並如何透過「愛」建立信心， 達到忠於自己「勇敢去愛」 。

TVB透過J2 官網發放10位仔仔官方資料及宣傳短片，當中包括有IG Followers 超越10萬的KOL界別代表、有型男主廚、花藝設計師、港大研究院講師、小提琴手，以及科技金融合規及風險管理主任等。他們個個睇得兼身型健碩，今次一文睇曬究竟有幾正！

「型男混合體」Andrew

Andrew職業是香港大學研究院講師。

本身系運動健將，自封Boring Guy 、鍾意寫Essay。

Andrew話：「我同媽咪Come Out 時佢好Surprise ，媽咪因為我21 歲都未拍拖已經好緊張， Aunties 同Uncles 都打畀佢問個仔點解未拍拖。」

「花美男」Carson

職業是花藝設計師、 Freelance model。

Carson曾參與世界性男士選美比賽。

Carson話：「因為我同屋企人一齊住，我估渠哋不嬲都估到，所以我同媽咪講完之後渠『哦』 咗聲，咁就完咗架喇。其實呢個唔系我哋選擇嚟，系天生。」

「可愛兜風耳」HoHo

職業系舞台劇演員。

HoHo話：「我媽咪講過好窩心慨說話系『你做咩都唔緊要，最緊要你開心』。」

「陽光男孩」 Juzco

職業系KOL

「我哋好鍾意自己鍾意啲乜，有自己鍾意慨類型，亦都冇既定慨形象！」」

「嫩版王浩信」Louis

職業系科技金融合規及風險管理主任。

好鍾意水上運動。

Louis話：「 父母親（知道）系呢幾年慨事，特別系我爸爸，如果唔系因為呢個節目，某程度上都冇特別同阿爸強調呢件事，就算渠知道其實我系鍾意男仔。」

「Young版尊龍」Ray

Ray：「有一晚我飲醉咗，當時我媽曬緊衫，我好hyper同我媽講啦，佢話：『我知道咗好耐』。」

「到咗第二日我爹哋再問我，嗰時我清醒慨，我就話咗系。嗰時好感動，因為渠哋講咗句：『你都大個喇，我愛你， whatever 你鍾意男仔定女仔。』」

「 純愛莫少聰」 Nelbon，職業系調酒師。

因為飲酒變外向。

「中學時同某個男仔比較friend ，渠同其他女仔玩時個心會乸住乸住。」

「害羞台男」 Kevin （居港十多年)，職業系游泳教練。

Kevin話：「希望香港呢個界別慨朋友，會好似台灣咁可以結婚。」

「型男主廚」 Kenny，職業系私房菜廚師。

Kenny：「你唔需要講好多嘢，一個小小慨動作，已經可以Support 到一個人。」

「柔情版香取慎吾」 Howard，職業系小提琴樂手、模特兒

Howard：「希望可以幫助多啲人了解，我哋呢個群組系點樣生活」