王贤志自爆曾喜欢吴家乐！结婚六年谈出轨：大家同意就唔算

2022-12-03 于晏 6580

星岛网：王贤志自爆曾喜欢吴家乐结婚六年谈出轨：大家同意就唔算

王贤志（Vinci）主持的J2节目《仔仔一堂》引起不少话题，近日接受林柏希在网上平台节目《月倾会》访问，林柏希问Vinci有咁多身份，主持、拍剧、生意人、又做过主席，最近更做埋电视节目《仔仔一堂》慨制作人。

众多身份角色，最钟意做边瓣？Vinci讲笑话：“最钟意梗系做人哋老公啦！”他更唔介意大谈同性婚姻。

同Kevin唔会分手

Vinci透露：“我哋拍咗7年拖先结婚，家结婚有6年，即系有13年！”原来两人系对方慨初恋：“我又觉得渠几好㖞，Kevin系同我完全两个世界慨人，渠识煮饭、种植同养动物，平时睇YouTube片系睇㓥鱼、锯木；我就钟意睇骚、表演同时装，我同佢好唔同，反而喺对方身上发掘到唔同话题。”

问到有否肉体或精神出轨？他反问：“如果大家同意就未必等同于出轨啦？我同佢冇七年之痒慨，如果有慨话，就喺我哋认识第7年发生咗，唔需要等到结婚慨第7年。一对恋人点相处两个人知就得，唔需要牵涉太多人去估，（如果冇同意出轨会点？）唔会分手，大家都咁多年，需要沟通同理解啰，大家好似觉得我好花弗啦，好多花花，草草，其实唔系，我不知几咁dry，我觉得我同Kevin系冇乜嘢可以令我哋分手。”

他又指自己系有心思慨人：“试过plan过一日入面有5个节目，又畀surprise渠；渠会画啲嘢畀我…”

最近刚刚播出慨《仔仔一堂》，Vinci系制作人，点解会筹备呢一个节目呢？“其实都系timing呀！咁啱呢几年COVID啦，好多嘢都翻天覆地停晒，咁啱我有另一个partner都系制作人，我最特别慨身份，就系我个gay identity，同埋一个咁公开慨identity，我唔希望令人哋一听到呢个节目名就会谂，‘有冇搞错呀，教人哋搞基。’其实唔系，如果斋系访问，由唔同慨同性恋者讲自己慨故事，好似documentary咁好闷啦，dating系个包装啫，最终渠哋date唔date得成，其实唔紧要，最紧要系渠哋个过程！”