星島網：王賢志自爆曾喜歡吳家樂 結婚六年談出軌：大家同意就唔算

王賢志（Vinci）主持的J2節目《仔仔一堂》引起不少話題，近日接受林柏希在網上平台節目《月傾會》訪問，林柏希問Vinci有咁多身份，主持、拍劇、生意人、又做過主席，最近更做埋電視節目《仔仔一堂》慨製作人。

眾多身份角色，最鍾意做邊瓣？Vinci講笑話：「最鍾意梗系做人哋老公啦！」他更唔介意大談同性婚姻。

同Kevin唔會分手

Vinci透露：「我哋拍咗7年拖先結婚，家結婚有6年， 即系有13年！」原來兩人系對方慨初戀：「我又覺得渠幾好喎，Kevin系同我完全兩個世界慨人，渠識煮飯、種植同養動物，平時睇YouTube片系睇劏魚、鋸木；我就鍾意睇騷、表演同時裝，我同佢好唔同，反而喺對方身上發掘到唔同話題。」

問到有否肉體或精神出軌？他反問：「如果大家同意就未必等同於出軌啦？我同佢冇七年之癢慨，如果有慨話，就喺我哋認識第7年發生咗，唔需要等到結婚慨第7年。一對戀人點相處兩個人知就得，唔需要牽涉太多人去估，（如果冇同意出軌會點？）唔會分手，大家都咁多年，需要溝通同理解囉，大家好似覺得我好花弗啦，好多花花，草草，其實唔系，我不知幾咁dry，我覺得我同Kevin系冇乜嘢可以令我哋分手。」

他又指自己系有心思慨人：「試過plan過一日入面有5個節目，又畀surprise渠；渠會畫啲嘢畀我…」

最近剛剛播出慨《仔仔一堂》，Vinci系製作人，點解會籌備呢一個節目呢？「其實都系timing呀！咁啱呢幾年COVID啦，好多嘢都翻天覆地停曬，咁啱我有另一個partner都系製作人，我最特別慨身份，就系我個gay identity，同埋一個咁公開慨identity，我唔希望令人哋一聽到呢個節目名就會諗，『有冇搞錯呀，教人哋搞基。』其實唔系，如果齋系訪問，由唔同慨同性戀者講自己慨故事，好似documentary咁好悶啦，dating系個包裝啫，最終渠哋date唔date得成，其實唔緊要，最緊要系渠哋個過程！」

拍攝期間，遇上Vinci人生大考驗，系Vinci媽媽同Kevin慨媽媽相繼患上重病！他一方面好投入去做呢件事，另一廂其實日日都出入緊醫院，心情其實系好沉重又複雜。

由於Kevin媽媽喺澳門，他和Kevin一齊返咗澳門，隔離14日，目的系見渠媽媽慨最後一面！直至節目拍到尾聲，Vinci媽咪離世前，他跟Vinci探媽媽時，Vinci媽喊住捉住兩人只手，對Kevin說：「你媽媽家走咗喇，我就系你媽媽！你就當我系你媽媽啦！」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

Vinci說：「嗰刻我覺得，其實我做呢個節目，我有一個更大慨使命，我唔系剩系想帶出，大家更認識gay慨生活，而系我好想令到，同性戀者身邊慨屋企人，都去明白，其實大家慨包容同接納系更加緊要！」

2007年時他不滿資歷比自己淺慨崔建邦可以做台慶司儀，炮轟當時無線總經理陳志雲偏私，對於曾傳跟崔建邦不和，問到同邦邦仲做唔做朋友？

他強調說：「系因為啲新聞，令到我哋大家有咗個隔膜囉，但系事過境遷再見返，反而你會覺得好珍惜囉！家都系朋友，見返冇嘢呀！好好呀！我其實未離開電視台之前，有同渠一齊去泰國玩添！」