莊鍶敏指離婚事件來得太快 對婚姻不恐懼：異地戀會難啲

莊鍶敏﹑姚子羚﹑張達明﹑蔡國威﹑林子超和黃建東等，昨晚（13日）錄影《開心無敵獎門人》，上月宣布離婚的莊鍶敏玩得投入，於遊戲「超級無敵夾多士」要用嘴和林子聰的屁股合作挑戰，亦笑笑口接受。

受訪時她直言心情不錯，認為玩遊戲節目一定要開心，她已接受離婚，心情亦已平復，要處理的事已經處理好。

莊鍶敏坦言離婚是前夫楊秉逸提出，事件來得太快，當時確有點迷惘，她說：「不過過咗去就唔好講，展望將來。」

離婚原因除了是生活方向、價值觀和想法不合外，最主要是對方反口不搬來與她同住，結婚兩年多，2人相處時間只有半年，無時間相處了解，但相信沒有第三者。

問可會對婚姻恐懼？她說：「又未去到恐懼，但不會急住再想結婚，不過異地戀會難些，首先要價值觀一樣，同有時間相處。」

莊鍶敏宣布離婚後首現身：事件來得太快

藝人莊鍶敏自宣布離婚後首度現身公開活動，今晚（13日）參與無綫遊戲節目《開心無敵獎門人》錄影，一身聖誕女郎打扮的她心情不俗，她表示：「都OK，今日嚟遊戲節目要開心啲。要處理嘅事已經處理咗，都接受咗，只系初時事件來得太快，有啲迷惘，依家OK。

（系邊個提出？）可以話系對方。（難接受？）因為太快，而且冇先兆，不過過咗去唔好講，展望將來。（離婚原因系咩？）三觀不合，生活方向、價值觀同想法唔同。（佢反口唔搬來香港一齊住？）呢個系主要原因，呢個系涉及相處時間。（同第三者有冇關？）我就冇，佢我唔知，但相信冇。」

她坦言結婚兩年多，但相處時間只有半年，受疫情影響已有一年沒見面，問到會否覺得當年太快決定結婚？她說：「因為疫情大家分開兩個地方，冇時間相處同了解，始終一段關係需要時間去經營。」

問到會否對婚姻感恐懼？她稱恐懼未至於，但暫時不會再想結婚，因為緣分很難講，還是工作有保障，至於對異地戀是否怕怕？她直言：「異地戀難啲。（你成日返內地工作，可以考慮內地人？）最緊要價值觀一樣同有時間相處，有消息就快開關，咁就少啲麻煩。」

莊鍶敏在「超級無敵夾多士」遊戲中要用嘴跟林子聰的屁股夾多士，鍶敏撫摸對方的臀部時表示：「有啲濕喎！」「獎老」錢嘉樂笑言：「鮑魚都有乾同濕之分，所以籮柚都有濕同乾。」兩人默契十足，成功夾中。

同場，藝人張達明稱已有十年未有參與遊戲節目，自嘲：「我老咗應該系智力低咗，測試嚇自己身體仲郁唔郁到，而且同年輕人一齊玩好開心。」講到身體情況，他坦言時好時壞，要看狀況。

談到工作，他透露將有一個重要計劃公布：「你哋遲啲會見到個好大嘅宣傳海報出街，系關於我做編劇同導演嘅舞台劇，個劇本已經寫好咗，有機會當然想全球巡迴，但邊有可能，我唔系呢方面專業，但都好開心，因為對上一次舞台劇已經系2017年。」張達明跟王子涵在「超級無敵夾多士」遊戲中以屁股對屁股夾多士，但未能成功，被笑指屁股無眼。