恭喜恭喜！TVB当家小生宣布喜事 二胎太太诞7磅男孩

黎诺懿唔敢“剪彩”太太诞7磅B仔睥实老窦

黎诺懿今日（10）再做老窦，老婆李洁莹在半山嘉诺撒医院开刀为他诞下第二个儿子，母子平安，BB取乳名“小冬牛”，重7磅。

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他感谢太太预早送了圣诞礼物给他，会好好答谢太太。

他说：“再做爸爸感觉轻松啲，但系小朋友出世嗰刻都好期待、好紧张，第一眼觉得‘小冬牛’同‘小春鸡’峰峰细个好似样，今次冇乜虾碌喇，同佢拍咗好多片。同大仔一样，佢一开眼就系望到我，传说话第一眼望到嗰个都会劳碌啲，所以我都要努力揾钱养佢哋。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii‍

黎诺懿指为幼仔取乳名“小冬牛”意念与哥哥一样，他说：“哥哥系春天出世慨‘小春鸡’，所以细佬就系‘小冬牛’。”

他又透露两个够晒数，老婆将会封肚，他说：“唔再追女，两个最完美，爸爸妈妈可以各自照顾一个。”

此外，黎诺懿今日下午一时已拉住“走佬箧”陪老婆到达医院准备生BB，两人迎接第二胎看来相当轻松，好像去Staycation一样，他说：“心情冇乜特别，好轻松，寻晚漏夜仲谂紧个乳名、英文名，等小朋友出世再揾灵感，好似峰峰咁，觉得佢出世好似鸡仔就叫咗‘小春鸡’，中文名就收窄咗范围，谂到奕、辰呢两个字。（陪入产房？）一定会，但就唔会‘剪彩’，好似唔系咁好咁，虽然成日煮嘢食，但对肠唔系咁期待。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

李洁莹则取笑说：“上一胎喺产房，佢都系匿喺我身边。”她指老公再做爸爸，已经没有第一次那么紧张，她笑说：“今次冇乜虾碌，佢净系做三陪就得喇。”

黎诺懿称已经是熟手爸爸，不用学喂奶、扫风、换片，加上请了陪月员24小时照顾老婆，当然轻松得多，他说：“今次反而要好好安抚小春鸡情绪，今朝返学仲问：‘妈咪系咪走喇？我返嚟系咪见唔到妈咪喇。’”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

近日完成监制综艺节目拍摄的他还未放“产假”，明日（11日）将要出席工展会活动，月中亦有两个活动出席，努力赚奶粉钱。