恭喜恭喜！35岁江若琳宣布“造人”成功

35岁江若琳宣布“造人”成功：我俩等待你慨出现足足4年啦

江若琳（现名江伊晴）自2014年与寰宇艺人管理公司完约后，幕前事业一直浮浮沉沉，至2018年江若琳与Oscar萧唯展结婚，生活愈来愈低调，只是偶尔在社交网站上分享近况。

结婚4年，二人终于“造人”成功，今日（23日）江若琳在社交网站上公布喜讯：“我俩等待你既出现足足4年啦”！

她更加方分享细腹中块肉超声波相片。

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

江若琳在社交网站写道：“今日系我地两口子结婚4周年啦，今年我地得到左一份渴望好耐而又弥足珍贵既圣诞同结婚周年礼物，我俩等待你既出现足足4年啦，一直都以为生BB系一件理所当然，好容易既事，但呢几年间经历过不停既尝试又不停咁失败，连身边既朋友都比我地着急，次次都关心我地几时生得出，我地都会感慨，生仔原来好难，但到最后我们已经选择左半放弃，经常都话，就算世界只系得我地两个，我地都会快乐地走到白头。

不过人生就系一个充满惊喜既旅程，每当你好用力想要得到一样野既时候，往往总系事与愿违，但当你选择放下放轻松时，圣诞老人，就会系一个最美好既时间点将你最想要既礼物送俾你！4年前我得到左一个好爱我既生煎包，4年后我地得到左一个最爱既bb包。Bb包，感谢你既到来，时间不迟也不早，来得刚刚好！

虽然我仲未想像到我做人阿妈系点，应该都系论论尽尽，骑骑呢呢咁，但我地会努力学习，将最好既俾你！呢几个月失踪左的我，系疲累，反胃呕吐既生活中不停徘徊，但每日都充满住感恩同感动请继续折磨我吧！你继续健康平安长大就好。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

萧唯展则说︰“结婚4周年了，身体健康夫妻和睦冇乜闹交，多谢老婆。依家我慨心情就好似美斯攞咗世界杯咁﹗我哋四年前慨今日结婚，我望住好多小朋友喺我慨婚礼入面跑来跑去，好可爱，好希望快啲有一个我哋慨BB。

点知......努力咗四年，中间试过好多次失望，医生话虽然我靓仔，但精子唔合格，好难有BB。但系我习惯咗只要有梦想，凡事可成真慨理念。首先检讨一下自己，重新建立一个健康慨自己，戒咗烟，不停跑步做运动，食健康啲。终于四年后慨今日，我哋成功攞到世界杯喇﹗多谢老婆，多谢每一位提供过良方畀我哋慨朋友﹗”