TVB劇集《輕‧功》昨晚一集講述翊嵐（蔣祖曼飾）終於向爸爸十一（黎耀祥飾）坦白與Duncan（李日朗飾）分手真相，原來嵐嵐做婚前檢查時發現不育，因此決定與Duncan分手，亦沒有告訴Duncan這件事。

十一問嵐嵐為何不和Duncan坦白，嵐嵐哭著說：「渠可能冇所謂，但系我有。我知道渠爸爸媽媽好想抱孫，我睇咗幾個醫生都話冇辦法，其實我真系好想做媽咪。我細個覺得自己會系一個好老婆、好媽咪，但到頭來我兩樣都做唔到。」最後十一抱緊淚崩的嵐嵐安慰道：「老竇唔識講嘢，你要喊就喊啦，有老竇喺度。」

慣常飾演專業人士及女強人的蔣祖曼在昨晚一集首次穿古裝登場，劇情講到嵐嵐及元植（鄭俊弘飾）為志威（韋家雄飾）執導的電影《新輕功》拍攝先導片，兩人齊齊古裝上陣，風仔（朱敏瀚飾）則女裝上陣做嵐嵐替身。蔣祖曼坦言一直恨拍古裝戲：「我又估唔到自己個古裝造型都幾靚，同埋女俠造型都比較適合自己。」

提到劇中有少許動作戲，她笑言：「好彩講我個角色唔系好打得，不過嚟緊都要苦練嚇啲武功，希望遲啲有機會拍打戲可以更得心應手。」蔣祖曼續指難忘被鄭俊弘用額頭硬撼後尾枕：「好記得嗰日導演叫佢唔好就住直接撼落嚟，因為我未演過動作戲，驚反應做得唔夠好，就住就住反而可能要拍好多次。最後渠真系沖埋嚟撞落我後尾枕，之後一Take就搞掂，我諗渠都好痛，嗰嚇反應好自然。」

無線娛樂新聞台在拍攝當日到現場探班，見鄭俊弘從後攬著朱敏瀚時露出一面冧樣。鄭俊弘笑言：「朱敏瀚幾好攬，渠條腰好苗條，同埋膊頭又好厚喎！」蔣祖曼笑指朱敏瀚古裝Look似足外籍人士。

朱敏瀚自認「咪霸」 盼唱電視劇主題曲 邀JW擔任導師

蔣祖曼、朱晨麗（朱朱）、朱敏瀚、鄭俊弘、龔慈恩、韋家雄和鄭子誠等，今天（29日）到鰂魚涌室內攀石場宣傳劇集《輕‧功》，他們分成兩組施展「輕功」，看誰攀得最高，得分最多，朱敏瀚幾乎攀到最高位置，可惜最終體力不繼，幸沒有受傷。另一組鄭俊弘、朱朱和蔣祖曼亦不弱，雙方打和收場。

問朱敏瀚現在想做什麼？他說：「新一年，我想嘗試唱電視劇主題曲或插曲，什麼歌都好，就算兒歌都沒所謂，想有自己的歌曲，打開音樂平台，JW（王灝兒）已答應做我導師。我之前向高層提過，但未有進一步消息。」他透露中學是「咪霸」，但入行後見識過其他歌手唱歌，就不敢說自己唱歌好叻，而其偶像是陳奕迅，很開心陳奕迅今次開騷，他亦撲到飛，又有時間睇到。

蔣祖曼在劇中多場喊戲獲好評，她很驚喜，感謝對手及給過意見的人；朱朱昨晚亦有場爆喊戲，朱朱說：「我當時想到自己離鄉別井，很久沒見過媽咪，一時感觸便落淚。（喊戲沒難度？）都不是，要有些技巧，想傷心及容易觸發情緒事情，例如與家人關係和想念的長輩。（與媽媽是否像劇中一樣常吵架？）媽媽不在港，我都想和她鬧交，其實兩母女鬧交都是愛的表現，我都想媽媽在我身邊，開心和傷心都可以與她分享，希望媽媽快點來港與我團聚。」