《輕‧功》寫實貼地似預演人生 黎耀祥老婆邊睇邊喊

黎耀祥（祥仔）主演劇集TVB劇集《輕‧功》集合眾多好戲之人，透過一班前電影從業員的故事，帶出各種情懷。吸引祥仔接拍其中一個原因，是監製黃偉聲與編審龍文康。

他說：「聲哥（黃偉聲）做助導時已經認識，他升任監製咁多年都未有機會合作。聲哥同編審文康好夾，拍過不少作品，都富溫情有人情味又貼地，帶出人生哲理，好似《牛下女高音》。

今次《輕‧功》寫父母對子女、朋友之間的感情與一班電影人的初心。在設計上有好多巧妙處理，加入很多經典歌曲，歌詞跟劇情好配合。掌握到昔日人與人之間的關係，但不會刻意講人生道理，透過劇情體現兩代在同一事情上不同的看法，雖然有爭拗，內里其實互相關心。」

劇集傳達的信息是如何學懂做人處事要放輕，「每個角色都有執著的事放不低，像我演的洪十一放不低亡妻，女兒放不低感情，最後大家都懂得放輕」。

祥仔配合飾演退休武師洪十一帶點滄桑的老態，開拍前不染髮，儘量現出多些真白髮，講對白節奏亦特別設計過。

祥仔拍《輕‧功》最深體會，是像預演自己的下半生：「黎耀祥同洪十一的命運差不多，到咁上下年紀，隨時會經歷老伴離開。洪十一的老婆繆妙（龔慈恩飾）去世，洪十一好孤單，睹物思人流露對亡妻的懷念，但生活仍是要繼續，是真實隨時會發生的事，劇情好寫實描寫，太太每次都邊睇邊喊。」

黎太梁耀蓮（Julia）表示原來看到預演的人生是好恐怖：「我成日擔心劇中的情節會發生，如果我走先，老公會好淒涼，因為他平時不是多應酬的人，不會主動搵朋友，會好寂寞。我之前都講過，可以的話他走先，我會比他更可以面對。雖然咁講好似好黑心，但是對他好。」

祥仔是3屆視帝，今年憑《輕‧功》入圍《萬千星輝頒獎典禮》最佳男主角10強，他對爭視帝沒有多想，看好《下流上車族》的林敏驄，對方劇中角色跟平日給人的形象反差好大，演得好有感情，覺得贏面較大。

59歲龔慈恩與黎耀祥舞住比武 稱1人分飾2角有難度

TVB劇集《輕‧功》昨晚（30日）一集講述繆妙（龔慈恩飾）當年的替身何索（龔慈恩分飾）從外地回港，並主動要求於志威（韋家雄飾）執導的電影預告片客串演出，惟志威處處為難何索，更間接令到何索受傷。

志威女友嘉嘉（楊卓娜飾）怪責志威因當年對何索求愛不遂才故意公報私仇，志威以保清白終揭出與何索不可告人的往事。原來當年何索為了想升呢做主角，慫恿心急做導演的志威拿《輕功》劇本出去賣，惟後來因事故泡湯，志威從此對何索充滿戒心。另邊廂，何索與十一（黎耀祥飾）無故被記者追訪並登上娛樂新聞，十一好友懷疑有人刻意向記者放料。

龔慈恩稱一人分飾兩角有難度，為突顯兩個角色的不同而花了很多心思。她說︰「繆妙比較溫柔，何索就硬朗啲，演呢兩個角色慨聲線、溫柔度都要有所差別，所以我兩邊都放盡去演，希望觀眾易啲區別。」

談到與黎耀祥舞住比武一場戲，龔慈恩說︰「拍呢場動作戲冇咩難度，因為同祥哥呢啲咁好慨演員合作，渠會識得就我！可以著番古裝、吊嚇威吔同拍嚇動作戲，對於我嚟講好似返番以前慨Party咁，大家都玩得好開心。」

對於被網民稱讚為「逆齡女神」，她分享保養心得︰「工作時間唔穩定，我冇乜固定做運動時間，有時間就約朋友行山、跑步。最近天氣咁好，呼吸多啲新鮮空氣就更加好。我比較注重天氣慨轉變，如果去到比較干慨地方，啲皮膚會即刻話我知，咁我就會用加濕機Keep住濕度。護膚品都好重要，最緊要適合自己慨膚質、年紀同埋當時慨天氣。」