51歲江美儀非「親生女」爭獎蝕底

願賣身TVB15年 提議設雙視後：同鮑姐一齊拎

51歲的江美儀憑台慶劇《下流上車族》內「度縮」車太晉身「最佳女主角」十強，跟「影后」鮑起靜（鮑姐）、「民選視後」陳煒及「當扎姐仔」陳瀅拗手瓜。

轉投TVB 13年的美儀，恨攞「視後」恨到出曬口：「學祥哥（黎耀祥）咁講，人生有幾多個十年？每十年要有進步，十年前奪『女配』，家拎埋視後最十全十美，因為再過多十年，就會變『終身成就獎』喇！」為爭視後，美儀唔介意賣身TVB，恨不得簽15年長約做親生女，做到66歲就退休啱啱好。

採訪：方騫平 攝影：譚志光 場地：新都城國際百貨

全靠天時、地利、人和，今年江美儀遇到擁有好劇本、角色及對手的《下流上車族》，亦是她多年以來最有信心得獎的一次。

台慶頒獎禮前夕，江美儀滿懷期望：「平常面對囉，有就開心，冇就預咗，我提咗身邊人唔好畀我太大壓力，尤其媽媽話要攞飛去現場見證我得視後一刻，咁我都明慨，喺阿媽眼中個女永遠系最好，我怕渠哋會失望時，自己又會唔開心，所以都系睇淡啲好，不過，為咗尊重場合，經已揀咗靚靚戰衣赴會。」

同鮑姐齊提名當贏咗

叫美儀分析「視後」形勢，她坦言也被考起：「其實真系好難，我戥有份評審慨TVB高層頭痛，陳瀅慨《痞子殿下》好好睇，記得播出時正值暑假，我妹妹都有追睇；

而唐詩詠主演慨《超能使者》系新劇種，又有話題性；陳煒慨《回歸》系重頭劇，背景好勁，都系大熱劇作；

至於鮑姐經已系金像影后級數，尤其劇中渠對住個手機留言嗰場戲，原先發悔氣鬧爆個仔，但又驚激嬲阿仔，最終轉變態度含淚哀求兒子唔好移民唔理渠。

一個畫面有3種情緒，屬教學級演技，所有演員都應該睇嚇，渠就算讓半臂都贏曬，加埋論資排輩，輸畀鮑姐系應該慨，渠真系實至名歸，冇可能贏到呢個對手。

坦白講，自己未夠好，要叻到贏到鮑姐先算叻，我都未去到呢個位，同渠一齊提名就算贏咗。」

過多十年拎終身成就

不過，視《下流》為代表作的美儀堅持唔想讓獎：「咁（讓獎）又唔得，人生有幾多個十年呀！每十年要有一個蛻變，再過多十年就拎終生成就獎㗎嘞，所以呢個獎對我嚟講好重要。」

恨攞獎的美儀愈講愈興奮，「你知我幾惹是非，難得拍呢個劇冇畀人鬧，觀眾又鍾意我個角色，個劇咁受歡迎，一班演員又好無私咁團結演出，連林敏驄都好有分寸，渠會同我哋一齊癲，一齊返公司傾劇本…最好設雙視後就皆大歡喜啦。」

由於目前江美儀同TVB簽一年一套劇，跟陳煒及陳瀅比較，她並非TVB「親生女」最輸蝕。

對此，她帶笑向TVB發表效忠論：「聽聞家TVB要求新人簽15年，我希望做15年TVB『親生女』，最好當我新人咁捧，咁66歲我就退休。哈...」