楊明前年8月在半山馬己仙峽道駕駛失事撞壆，官司擾攘逾兩年，於去年12月底冬至當日遭法官駁回上訴，即時入獄18日兼停牌兩年。楊明本應在1月8日刑滿，但因明日（8日）是紅日關係，故楊明提早於今日（7日）出獄。

楊明於9時28分步出，身穿藍色外套白色衫及長褲，有經理人親自接他離開，但未見女友莊思明的身影。

雖然有人員表示楊明會講話，但楊明由經理人陪同之下直接登上莊思明的七人車坐駕，期間只講了一句「早晨」，問及心情如何等問題一律沒有回應。

在獄中度過17日的楊明神色帶點憔悴，在安排楊明上車前，莊思明一度下車向他招手，隨後又立即返回坐駕上，而經理人在楊明步出前，曾與現場懲教署職員進行溝通。

楊明上車後，座駕駛離赤柱後未如預期返回莊思明的山頂寓所，而是過海經將藍隧道直駛將軍澳電視城。

楊明的座駕直接駛入電視城內，並在高層身處的電視大樓外停下，經理人與女友莊思明先一步下車，隨後下車的楊明戴上了CAP帽，隨二人步入大樓。

楊明兩度鞠躬拍片為犯錯道歉：呢件事的確係我人生中好大慨教訓

楊明前年8月在半山馬己仙峽道駕駛失事撞壆，官司擾攘逾兩年，於去年12月底冬至當日遭法官駁回上訴，即時入獄18日兼停牌兩年。楊明今日刑滿出獄，今日由其經理人親自接他離開赤柱監獄，女友莊思明則在車上等候。

楊明出獄後，直接回到公司處理自己的過失，他先向藝人部高層樂易玲見面認錯，及後接受《東張+》以及《TVB娛樂新聞台》訪問，一臉憔悴的楊明表示在服刑期間反省了很多事，並對於自己因飲酒習慣令自己及公司帶來麻煩致歉。

楊明憶坐監歷程感空虛恐懼 愧對家人為要求轉倉傳聞解畫

楊明今早（7日）出獄後，乘坐白色座駕到電視城，除了會見高層樂易玲外，並拍片認錯道歉，之後楊明接受TVB娛樂新聞台訪問，自揭監禁歷程，其間他雙眼通紅，一臉愁容，面帶愧疚神情。

楊明說：「我呢件事經歷咗好耐，啱啱經歷埋18日（監禁），喺入面諗咗好多嘢，因為有好多時間畀我靜下來反省，同埋諗咗好多嘢。我覺得我應該要成長，同埋我有好多嘢做得不足，希望出番嚟慨時間，可以做番一啲嘢彌補，做一啲幫助人慨嘢。

主持潘盈慧問楊明最自責是哪方面？他說：「我最自責慨系我咁大個人，都做一啲事出嚟，令到關心我慨人﹑家人極度擔心，我最慚愧系對爹哋媽咪，我令渠哋咁老，都要擔心我，呢個系我喺入面自責得最辛苦慨一段。」

楊明感謝女友莊思明：「我喺入面承受空虛﹑寂寞及自責，尤其系思明要面對一啲輿論及記者，要面對我應該我要處理慨嘢，渠一直喺出面都好辛苦咁處理，同埋爹哋媽咪，都要承受一啲唔好慨批評，呢個喺我自責嗰度份量占最重，我想喺度多謝思明及父母，喺出面所承受慨嘢。」

有傳楊明擔心自身安全問題，所以要求轉倉？他則說：「絕對唔系我要求，我入面冇得要求慨，同埋大家唔使擔心，我入到去荔枝角（收押所）同日，都系隔離中，因為我都系外來，渠哋為咗避免我帶病毒入去，每個人都系隔離5天，冇得接觸任何人，一日見一次醫生，絕對唔存在呢個講法（要求轉倉），渠哋都系照程序去做。

因為入到去隔離5日，點解要轉去高設防赤柱監獄呢？系因為第7日開始荔枝角（收押所）嗰度，有較多人確診，為咗比較安全同騰番多啲醫療室出嚟，所以轉我去赤柱監獄，好正常做法，因為唔會有其他人同我接觸，完全唔存在人身安全問題。」