台慶頒獎禮2022｜陳山聰用行動報答支持者 江美儀感激林敏驄成就她得獎

無線《萬千星輝頒獎典禮2022》圓滿結束，各獎項塵埃落定，陳山聰、江美儀分別憑《金宵大廈2》及《下流上車族》成為出爐視帝視後。

兩人頒獎禮後到後台受訪。山聰坦言以為是林敏驄得獎，因此上台領獎時，腦海一片空白，心情緊張，來不及反應。

他說︰「系呢10年嚟，每一位幫助過我慨朋友、監製、所有之前畀好多信心我慨人，呢一個獎，我覺得系話畀佢哋聽，幫我系幫得啱同正確。正如我台上所講，我系步向成功，仲未成功，仍需努力，今後一定要拍更多更好慨劇集，演得更加好，報答每一位支持我慨人﹗」

山聰表示太太Apple要陪伴兒子，因此在家中看直播。他說︰「我要多謝渠（Apple），多謝渠畀咗一個咁幸福慨家庭我，等我可以無後顧之憂，努力拚搏﹗（攞埋『最佳衣著獎』系咪可以繼續買衫？）唔使啦，攞咗呢兩個大獎，以後要慳慳哋，好好哋栽培我個仔。我好感恩，希望日後可以用呢個獎去話畀自己聽，要更加努力﹗」

江美儀坦言沒想過會得獎，一心以為不是鮑起靜就是陳煒，不會有自己份，始終陳煒是無線「親生女」。談到被林敏驄取笑是「烏雞」，她笑言不會嬲。

被問到會否為林敏驄失落視帝而遺憾，江美儀說︰「佢好似話唔要呢個獎嘛﹗我都要多謝渠，如果唔系《下流上車族》搵到渠演，就唔系呢個效果。渠成就咗呢件事﹗我都要多謝劇中其他演員成就我攞呢個『最佳女主角』，唔系一個人功勞，我都要多謝渠哋﹗」至於會否原班人馬開新劇，江美儀稱未知道。

出爐視帝陳山聰跟老婆Apple親吻放閃：多謝你支持我

陳山聰憑《金宵大廈2》開齋首次登上視帝寶座，山聰昨晚（8日）出席完頒獎禮做完訪問後，便趕快回家跟老婆分享這份喜悅，山聰在Ig限時動態拍片，他和太太Apple各自拿著獎座，山聰還跟老婆咀嘴，十分恩愛。

山聰說：「其實今（昨）晚好想快啲做完嘢返嚟屋企，多謝老婆支持我，Love you，好喇我要食嘢同休息，聽（今）朝要開工喇﹗多謝曬每一位，未得閒回覆大家，等我明（今）天開完工再逐一覆大家。」

另外，陳山聰好兄弟袁偉豪在Instagram貼合照恭賀：「恭喜我既好兄弟得償所願拿了視帝。」

至於跟陳山聰拍檔的李施嬅，亦在Ig貼出合照：「多謝陳山聰幫我哋#金宵大廈爭氣，留下一個完美的句號。好感動。到下次相識，又重遇的你。歲月已灰飛，都記得你。啊蕭，旭輝，Maurice, Joey, 有緣再相遇。」

江美儀封視後獲家人見證重要時刻 父母興奮拎獎：好重呀

江美儀昨晚（8日）憑《下流上車族》首次膺視後，亦是她10年前獲最佳女配角後，再在頒獎禮奪大獎，江美儀父母及家人昨晚都有見證此時刻。

江美儀和家人接受娛樂新聞台直播訪問，江父江母興奮得高舉視後獎座，江母說：「（個獎）好重呀，好開心。」江美儀表示獲獎時講漏多謝鮑起靜，她隔空向鮑姐送飛吻。