TVB電視總經理（節目內容營運）曾志偉今日（15日）公布《萬千星輝頒獎典禮2021》10強名單，「最佳劇集」10強包括《愛美麗狂想曲》、《逆天奇案》、《刑偵日記》、《智能愛人》、《七公主》、《我家無難事》、《換命真相》、《星空下的仁醫》、《十月初五的月光》以及《拳王》。

至於戰情激烈的視帝、視後10強入圍名單，視帝則有《愛美麗狂想曲》陳豪、蕭正楠、《逆天奇案》陳展鵬、《刑偵日記》王浩信、《換命真相》譚俊彥、《星空下的仁醫》鄭嘉穎、馬國明、《十月初五的月光》胡鴻鈞以及《拳王》黎耀祥、張振朗。

至於視後方面，10強則有《愛美麗狂想曲》陳瀅、《刑偵日記》惠英紅、《智能愛人》李佳芯、《七公主》林夏薇、高海寧、《把關者們》黃智雯、王敏奕、《換命真相》鄧佩儀、《星空下的仁醫》鍾嘉欣、《拳王》姚子羚。

TVB台慶頒獎禮將於明年1月2日舉行，頒獎嘉賓方面，曾志偉表示往年多由上一屆得獎者頒發，今年有意找其他嘉賓，想做到類似金像獎般，如近日翻唱《倒轉地球》Hit爆的陶大宇出席，為頒獎禮熱鬧一點。

《愛．回家》無緣「最佳劇集」

高收視處境劇《愛．回家之開心速遞》無緣角逐「最佳劇集」、視帝視後3個大獎，但「最佳男配角」有單立文憑該劇入圍，其他入圍者則有《愛美麗狂想曲》何廣沛、《逆天奇案》張頴康、丁子朗、《刑偵日記》馬貫東、《智能愛人》泰臣、《換命真相》朱敏瀚、《星空下的仁醫》羅子溢、海俊傑以及《拳王》黃子恆。

「最佳女配角」10強則有《愛．回家之開心速遞》姜麗文、《寶寶大過天》陳自瑤、《刑偵日記》陳煒、《智能愛人》麥美恩、《七公主》江嘉敏、《換命真相》劉佩玥、《星空下的仁醫》龔慈恩、何依婷、《十月初五的月光》姚嘉妮以及《拳王》賴慰玲。

曾志偉於宣讀視後10強時，口快快讀錯「王敏奕」做「王奕敏」，事後問到可會投新抱一票？

他笑說：「唔會私心，我太多心水，我連佢個名都讀錯。」2021年12月20日將舉行記招公布16個獎項5強。

而打入「視帝」10強的「3屆視帝」黎耀祥憑著《拳王》一劇與同劇後輩張振朗爭獎，問到祥仔會否「讓獎」給振朗時，祥仔接受東網訪問時謙稱：「入到10強真系開心，我邊有資格讓獎畀人呀！對手個個都咁勁，不過如果你問我，我梗系想個獎畀振朗啦！因為睇到佢喺《拳王》好努力，付出好多，所以我覺得佢好值得攞，後生一輩都應該要有鼓勵同機會，個個表現都唔錯。」

備受看好的張振朗坦言多謝高海寧，笑言對方是「好兄弟」，不過他坦言自己真系平常心，因為《星空下的仁醫》兩大視帝級勁敵馬國明及鄭嘉穎真的很厲害，而他心目中的「視後」人選亦是《星》劇的鐘嘉欣。

他說：「我真系要多謝祥哥（黎耀祥），佢除咗分享咗好多演戲心得畀我之外，佢都咁支持我，我真系好愛祥哥，我覺得喺佢哋口中聽到自己個名，我已經賺咗，已經好滿足。我仲想講譚俊彥，佢成績、表現非常之好，我都有啲私心，我會投佢，我同佢由《包青天再起風雲》識到依家，佢系一個非常之gentlemen嘅包大人，如果佢今年攞視帝，我都好開心。」

馬國明一直都是「視帝」大熱之選，而今次他與「大佬」鄭嘉穎齊齊憑《星空下的仁醫》打入10強，講到要跟「大佬」爭獎，馬國明笑言：「獎項嘅嘢隨緣啦！。」

問到他們能否與《拳王》兩大勁敵黎耀祥及張振朗打時，馬國明笑言：「系啦！照計兩個醫生真系唔夠兩個拳王打喎！哈哈！」

至於鍾嘉欣於《星空下的仁醫》中演技精湛，更被網民激推為今屆「視後」，她對於打入「視後」10強，接受東網訪問時說：「打入10強好開心，獎項嘅嘢都系隨緣啦！如果大家支持我嘅就投我一票啦！」

問到今次返來是否爭獎時，她坦言：「今次我返嚟最主要原因系處理私人嘢同屋企事，搞掂我就會離開香港，希望大家都支持《星》劇各項提名，多謝大家睇住我長大，咁錫我，我會繼續用心去做人。」