王君馨厚麵皮請教「宇宙最強」甄子丹：問渠覺得我打成點

王君馨昨晚（16日）出席電影《天龍八部之喬峰傳》慈善首映禮，她坦言離開TVB後多了新嘗試，離開舒適圈就當自己從新人開始，今次獲甄子丹揀中合作，感到受寵若驚及壓力，但2人沒有打戲。

她說：「不過我好唔怕丑，畀之前拍慨打戲甄生睇，問渠覺得我打成點，雖然有少少厚麵皮，但我都一定要請教『宇宙最強』，渠教咗啲可以令我打得更加獨特，今次有啲可惜，如果之後可以再同甄生合作，有少少打戲，我一定開心到暈。」

另外，王君馨日前接受HOYTV訪問，談到最難忘是首天開工：「甄生拍完幾個鏡頭，就同我打招呼，我話：『你好！Donnie哥哥。』佢話：『我見你離開舊東家之後，參加一個跳舞比賽，我話呢個女生有火，你有熱誠，我想跟有火慨人合作。』我嗰陣有啲呆滯，但亦非常感動，因為好耐都冇前輩級慨人話渠欣賞自己。（跟子丹合作有沒有壓力？）有時會有，但我總認為有壓力先好。」

王君馨前年離開無線，隨後北上工作10多個月，她說：「冇助手，亦唔算有經理人，但我覺得系好事，逗留舒適圈太耐，你會習慣到變成『機器人』，有工作就做，通告系公司安排，變相變得冇挑戰性。」

王君馨表示最辛苦期間，信仰給予她很大支持，她說：「嗰時我喺上海，封城2個半月，當你困喺房間太耐，就會迷失，但嗰時我哋逢周五有個視像團契，鍾舒漫、鍾舒淇、衛蘭、衛詩，每星期視像團契就拉我出嚟，不然的話，我整個精神狀況會下滑得好嚴重。」

文章來源：TVB資訊台 W博：@香港TVB資訊台

甄子丹先搞好新戲《喬峰傳》口碑：拍好部戲自然就會好

甄子丹監製及主演的《天龍八部之喬峰傳》，昨晚（16日）於灣仔舉行慈善首映，除了呂良偉、張兆輝、王君馨等戲中演員出席，甄子丹太太汪詩詩亦有撐場，更大讚是她最喜歡的一套電影，動作戲感覺猶如看Marvel電影，子丹聞言開心說：「咁就好高分，老婆睇完《葉問》都只系話OK啦！渠真系覺得好睇，我直程好Surprise，簡直勝過一切，問我對票房有乜期待？最緊要老婆OK！」

甄子丹剛完成星馬宣傳該片返港，他表示當地觀眾反應熱烈，他說：「當地電影市場好似從來冇受疫情及經濟影響，幾萬人逼爆商場，熱情度好瘋狂，重拾當年香港首映熱鬧感覺，當地粉絲更叫我拍多啲戲。」

問他對票房可有信心？他說：「票房高當然好開心，人總有高高低低，每一分鐘都高就唔系人，首先搞好個口碑，我覺得拍好部戲，自然就會好，我有信心做一件事，只要有誠意、好努力、有激情及愛呢件事，就唔會差得去邊，多謝演員及幕後班底，真系搏曬命撐我。」