胡鴻鈞周柏豪離巢吳業坤坐正「星夢一哥」

歌手周柏豪去年離港北上發展人氣急升，不過早前佢宣傳新歌時只標籤經理人公司種星堂，未有提及唱片公司「星夢」等，加上TVB Music Group各大官方平台歌手名單上未見「周柏豪」個名，即被指完約離巢。

估唔到「星夢一哥」胡鴻鈞亦被發現已經「消失」，星夢僅餘吳業坤、鄭俊弘、謝東閔及伍富橋四位男歌手，吳業坤榮升「星夢一哥」。

胡鴻鈞於2021年初離開星夢後，改與邵氏簽約，但離巢兩個月後重投星夢懷抱。

佢喺11月推出《我們在結束時開始》之後，一直再未有新歌推出，而其社交平台喺聖誕節後亦未再更新，本月6日深圳開騷後亦未見出席公開活動，一直到本月28日將到澳門出席新春活動。

吳業坤接受東網訪問，表示不敢當「一哥」：「啱啱喺內地返嚟香港冇耐，即刻不停開會、錄音、準備拍MV，所以都冇留意其他人嘅動向，我凈系知道公司將會投放好多資源，都有傾過，但你話一唔一哥呢，都冇去睇重呢件事，但你話年紀上最大嘅男生就系我，不過我最遲加入，其實都系小師弟，今年都將重心擺喺音樂上，2月會出歌，3月之後都會不斷派歌，希望大家感受到我音樂上嘅熱誠。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

JW取代吳若希菊梓喬獲公司重用催谷力捧

吳業坤升做「TMG一哥」，而JW（王灝兒）則被指已取代大師姐吳若希（Jinny）和菊梓喬（Hana）的「一姐」之位。

Hana跟Jinny當年傳出連翻惡鬥，隨著高層大地震，Hana被指失去「靠山」，沒有劇集歌女王的光環，連帶聲勢、曝光率也大大下降。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

「媽咪級」的Jinny早前如願在內地、港兩地開騷，近年又拍劇又做綜藝的她，在唱歌方面放慢了腳步。

2020年加盟TMG兼是無綫「親生女」的JW為「聲夢傳奇」連續兩屆擔任導師，去年演出的劇集《痞兒殿下》又大受歡迎，去年憑《我不想別離》在「香港金曲最佳劇集歌曲獎」獲得金獎，又奪2022年度「勁爆女歌手」獎，早前在萬千星輝頒獎禮，又憑《Wish》奪得「最受歡迎電視歌曲」，明顯得到公司力捧。