TVB綠葉演員47歲的楊證樺，原名余浩文，在台慶劇《超能使者》飾演「高佬」一角，因一場父子生離死別的催淚戲，發揮超班演技令人動容。

楊證樺日前接受TVB娛樂新聞台《星光路上》主持潘盈慧訪問，大談入行的契機，原來與父親曾讀藝員訓練班有關，而且楊證樺的爸爸更與汪明荃是訓練班同期同學。他將演員視為「終身職業」，希望做到百年歸老，又指自己每個角色都應付有餘，會做足100分。

美國出生的楊證樺在香港長大，以童星身份入行，他憶述當年有個同學是做童星，感到好得意，問對方可否帶他去玩，跟住便入行。

至於點解會咁鍾意拍嘢，他說：「我爹哋以前其實都系呢一行，但系渠系讀完訓練班，渠同汪明荃同期，冇做呢一行，跟住就移民咗去美國，之後成日聽到呢個故事覺得呢個圈好吸引。」

文章來源：TVB資訊台 W博：@香港TVB資訊台

楊證樺第一次拍劇是《闊少爺當差》，當時由主演的麥德羅推薦他做舞蹈藝人：「麥德羅就問有冇興趣做dancer呀，跟住渠就介紹咗我去學，當時就一邊跳舞一邊拍嘢，10幾歲，後尾長大啲參加歌唱比賽，曾參加第15屆新秀歌唱大賽紐約選拔賽勝出，好想入呢行，最後就立心返嚟入TVB，我冇參加香港新秀，直接入訓練班，做到依家。」

他當時入訓練班是以旁聽生身分，他指羅冠蘭是其老師，由第一日開始就被打擊，教學員由低做起。

工作了一段時間，楊證樺曾給自己一個限期，若未「達標」使考慮返美國做理髮等工作，他說：「開頭有咁諗（轉行），後尾愈做愈愛呢間公司，愈嚟愈鍾意演員呢條路，尤其是一個前輩陳鴻烈，直到烈哥過身，我自己Set咗去個目標，做演員系我慨終身職業，直到我做唔到為止，做演員系我慨一個方向，變咗我就無咗個限期，監製俾我慨工作得四個字『務必完成』。」

在劇集《巾幗梟雄之義海豪情》中飾演日本軍官「宮崎少佐」一角，楊證樺的對白全以日語演出，他坦言本身唔識日文，最初是逐粒字學，再理解當中意思，就進行拍攝。

之後收到監製李添勝的電話，還以為拍攝出現問題，得悉獲對方肯定的稱讚，非常開心，之後更叫他與黎耀祥及鄧萃雯拍在集中營的場面，要講幾頁紙日文對白，足足有8、9場戲，雖然壓力大，但他努力盡做。

至於在台慶劇《超能使者》中，楊證樺記得當初聽到監製文偉鴻講解故事時，已覺得好淒涼，未睇劇本已想喊，接下角色後，他一直保持低落情緒，拍出來才有此效果。

楊證樺又自言愛守規矩，因此喜愛演紀律部隊角色，而且開工時過份認真，不想浪費時間嘻嘻哈哈，曾為此被同事好奇問「使唔使咁樣」。

他又透露自己在家中是一名嚴父，教育兩個囝囝甚嚴格，就算老婆沉可欣幫口都無面畀。