蔡瀚億入行10年首任劇集男一 盼出街有人叫渠角色名
蔡瀚億（BabyJohn）首次出任男主角的ViuTV劇《大誠實家》，將於初二推出，雖然劇集非傳統賀歲劇格局，但他覺得絕對適合一家人收睇。
入行10年，BabyJohn坦承因疫情演出機會大減，特別珍惜第一次孭飛機會，亦因為得閒可花足兩個月時間準備演出，所以劇集推出零壓力，更相信因靠《晚吹-空肚講宵夜》入屋，多了觀眾支持。
採訪：杜杜 攝影：孔子 髮型:Eve Chiu 服裝:ISSEY MIYAKE 場地:文房Pen House
《大誠實家》以傳銷公司老闆因突發原因不能講大話做主題，並非純喜劇，BabyJohn最初都估不到會在賀歲檔推出，「系套好反覆作品，因為去到中後段情感好濃烈，講緊人與人之間慨關係，大話同真話間慨矛盾，唔系嗰啲合家歡開開心心慨劇，但的確係喜劇嚟。」
不過他認為亦適合一家人睇，「套劇講緊你同身邊人關係，點樣跟工作去拿捏個平衡，幾適合一家人去睇，會容易消化。」
文章來源：TVB資訊台 W博：@香港TVB資訊台
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
靠《宵夜》入屋
對於第一次孭重飛，BabyJohn反而冇增加壓力，「我老婆前幾日先問完我有冇壓力，我又冇喎！都諗會唔會有啲無形壓力，所以叫老婆幫我留意嚇，呢幾晚有冇發開口夢、有鼻鼾嗰啲，渠又話冇喎！同啲朋友分享，甚至導演都問我，不過，我都系咁講，要做慨嘢做曬，要畀力慨時候已經畀曬。」
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
BabyJohn表示自己少咗機會就多咗時間準備，「唔系凈系我，系大家都系用咁長時間去準備，就算我幾佛系同個機會主意者角色幾唔同都好，都可以有充足時間同渠相處。」
BabyJohn承認拍《宵夜》令自己更入屋，可能對今次劇集收視有幫助，「疫情影響我最大就系入咗屋，以前啲人話睇你咩戲認識我，家話睇《宵夜》認識我，仲會成日問我去邊度食嘢，我期待遲啲新年出街時，啲人嗌我個角色名，有間食肆我成日去，仲系嗌緊我上個劇集角色『奇哥』，嗰套2017年都幾尷尬，嚟緊希望渠哋叫我『阿乃』啦！」