法言人｜馬國明演師爺背法律術語勁痛苦林夏薇買定合桃進補

馬國明曾多次出演大夫、醫生嘅角色，次數可媲美做過曬警署各大部門嘅「御用警察」吳卓羲。喺新劇《法言人》中，佢繼續係做專業人士——師爺，而林夏薇、黃嘉樂就將會飾演律師，其實馬明14年前曾在《律政新人王II》中飾演律師，今次做師爺，他笑言係被降職。

「因為劇中我年輕時被人屈使黑錢，所以無辦法做到律師。但我喺戲中好八面玲瓏，因為律師唔可以自己出去搵生意，要靠我，所以我先係律師樓嘅財政支柱。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

劇中由於有不少專業術語對白，所以林夏薇都話要準備定合桃進補。馬明亦補充表示：「我地就算喺辦公室討論案情，都有好多術語要講，真係有好漫長嘅路要走。」

馬明之所以話漫長路，相信係因為劇集要拍到明年3年，變相今年嘅聖誕要在工作中渡過。「因為佢（湯洛雯）都開緊《隱門》，大家都有共識，唯有睇下開工前後有冇得見到。」

另外，提到獲熱捧為《萬千星輝頒獎典禮2021》「最佳女主角」大熱人選，林夏薇就話本來都冇諗太多。「近排愈多愈多路人過嚟同我講加油，我就會……反而係好驚佢哋失望，而會開始緊張，而家同視帝一齊開工，希望佢今年錦上添花之餘，都可以比啲luck我。」

馬明在旁表示睇好林夏薇，但亦笑言自已有幾位心水人選。「但激烈先好玩，如果一個玩又好似冇咩癮咁。同埋好似佢所講，觀眾鍾意你個角色已經係成功。」

首演情侶︱林夏薇做「滅絕師太」搞謝馬國明？

馬國明、林夏薇、張頴康、黃嘉樂等今日（17日）在將軍澳電視城為TVB新劇《法言人》進行拜神儀式。飾演律師樓師爺的馬國明雖然不是演律師，但在辦公室的戲份對白也多多。

他說：「有時一個案件，成10頁對白，好多法律對白要背，同埋未出曬劇本要飛紙仔，都考少少急才，收到紙仔就要即刻背，所以有啲NG 都好正常，哈哈。（角色似鄭嘉穎Law霸？）唔同，佢系律師同埋火爆啲，我就斯文嘅，角色有啲小聰明，識睇法官、對手眉頭眼額。」

林夏薇自細志願是做律師，今次拍劇終於有機會圓夢，她說：「入行以嚟終於有機會第一次做律師，自己都好緊張，好多對白要講，拍之前睇咗一啲律師戲去準備，仲買定合桃補補個腦。」

馬國明與林夏薇繼《寒山潛龍》後再合作，更首次飾演情侶，在《七公主》大膽大露背演出的她被問到今次可有激情戲？

她笑說：「又嚟，唔好喇，都期待之後有咩場口就，因為劇本仲未出曬。（如果寫到好激呢？）又嚟，應該唔會，今次角色系滅絕師太尖酸刻薄啲嘅。」