陈山聪兔年目标赚钱兼追个女!入行30年衰过再爬起身成囝囝最佳教材

2023-01-27     于晏     6500

陈山聪兔年目标赚钱兼追个女!入行30年衰过再爬起身成囝囝最佳教材

陈山聪兔年目标揾多啲钱兼追个女

入行30年衰过再爬起身成囝囝最佳教材

46岁陈山聪去年连播6剧,最终凭《金宵大厦2》首登视帝宝座,他承认入行30年经历过高低起跌,攞奖为了自己,同时也是囝囝Jaco(陈霆轩)的教材。踏入兔年,山聪坦承有名无利,希望凭住视帝之名揾返3年来错失的赚钱机会,除了为囝囝储定教育基金,更为生个兔女郎作好准备。

陈山聪兔年目标赚钱兼追个女!入行30年衰过再爬起身成囝囝最佳教材

山聪夺奖当晚冇特别庆祝,因翌日早上6时便要为新剧《夺命提示》开工,收到大量祝贺讯息,都要趁空档才回复,“等拍车戏覆咗200几个讯息,要两日先覆得晒,阿Moon(刘佩玥)同我开工,喺我隔离都系咁覆,我哋都冇时间去post任何嘢,同埋我都希望亲自去多谢渠哋。”

陈山聪兔年目标赚钱兼追个女!入行30年衰过再爬起身成囝囝最佳教材

获老婆赞大个仔

对于得奖感言,山聪解释是有感而发,“我真心谂咗好耐,上台慨话,一定要将呢番话讲出嚟,唔系话觉得自己叻,而系希望畀大家感受到失败唔紧要,肯面对自己慨失败先至可以面对自己慨成功,失败后点样企返起身,再步向成功真系好难,但只要有信心肯努力同坚持,加埋勤力同埋机缘,天时地利同埋运气,再加埋咁多人锡我,成就到呢件事。”

陈山聪兔年目标赚钱兼追个女!入行30年衰过再爬起身成囝囝最佳教材

不过山聪认为封帝后并非成功,只是踏向成功的第一步,“攞咗呢个奖唔等如一切,我老婆第二日都问我‘你咩感受’,我话‘其实冇感受,开心完,家做慨嘢系放低呢个奖,走好未来嗰段路,点样再突破自己、再演好啲,我攞咗呢个奖后,只会畀以前做得更好,畀之前更加calm,畀人觉得我唔系一个视帝,我希望感染到身边人,唔好觉得你攞咗就威,千祈唔好将呢件事扩大’,跟住老婆答咗我一句‘你大个嘞,你叻仔’。”

陈山聪兔年目标赚钱兼追个女!入行30年衰过再爬起身成囝囝最佳教材

山聪认为奖项为了自己外,也为囝囝Jaco而攞,“希望系一个身教,畀佢睇到希望得到慨嘢,要去争取,亦都要努力。”就连自己失败的经历,山聪亦决定拿来做教材,“等渠大个懂性后,我会话畀佢知Daddy过往慨历史,我要当渠系朋友咁,但渠吸收到几多,接受到几多,系渠慨路,我管唔到。”

陈山聪兔年目标赚钱兼追个女!入行30年衰过再爬起身成囝囝最佳教材

望追多个兔女或龙女

踏入兔年,山聪直言只有一个目标,“呢3年揾唔到钱,希望喺兔年一次过揾返晒,哈哈!我最多嘢做嗰年系2019年,之后就冇,都要为Jaco将来打算,希望凭呢个奖,可以顺住落去多返啲嘢做,点都要有少少收成。”

陈山聪兔年目标赚钱兼追个女!入行30年衰过再爬起身成囝囝最佳教材

攞奖后山聪更加够胆同老婆提出生个B女,“呢个奖系我筹码嚟,哈哈!可以慨话都希望整返个兔女或者龙女,可能兔年有啲赶,2024年系龙年,整个小龙女都几好。”若然有两个小朋友,山聪预了太太要停工全职凑小朋友,“所以我今年兔年要入多啲米先啰!”

陈山聪兔年目标赚钱兼追个女!入行30年衰过再爬起身成囝囝最佳教材

至于未来目标,山聪就笑言,“今年应该畀观众抖抖先,我应该得一个剧《隐形战队》啫!都要畀观众饿吓,唔系食滞咗第时唔想再睇我就惨啦!”

陈山聪兔年目标赚钱兼追个女!入行30年衰过再爬起身成囝囝最佳教材

另外就希望有登大银幕机会,“希望有电影公司揾吓我,拍吓电影,就算客串都冇所谓,我真系希望可以多啲尝试,同多啲单位合作,不论系演员、导演、监制都好,可以有多啲新火花,先丰富陈山聪慨演艺事业,等我学到多啲嘢,到时拍其他剧就有另一个层次畀观众见到。”