怕拆招牌放棄埋方力申

林盛斌撮合三對朋友冇胡定欣份：唔好逼我「金牌媒人」

麥玲玲與林盛斌（Bob）今日（29日）到油塘出席新春活動，麥玲玲指同場的屬龍許廷鏗今年犯太歲，要結婚及生仔「沖喜」，至於屬羊的阿Bob就運程不俗，之後更有排旺。

阿Bob與麥玲玲一同受訪時，興奮地表示師傅指他會由2023年旺到2024：「出年更加一飛沖天，所以今年要好好部署。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

堪稱娛樂圈「金牌媒人」的Bob，自爆過去兩個月已撮合三對男女友人，目前屬互相聯絡階段。

問到是否有胡定欣份？阿Bob即說：「唔講呢啲啦，唔好逼我！我會再努力。（方力申呢？）某程度上我已經放棄咗渠，總之幫到人系功德。」

他指三對男女中有圈中及圈外人，但拒絕透露身份。而麥玲玲大讚阿Bob熱心又愛錫朋友，並表示看到黃浩與徐菁遙（前阿徐淑敏）這一對，自己亦感到高興。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

二人有意在今年內搞一個類似《非誠勿擾》的男女配對節目，阿Bob說：「玲玲喺呢方面（做媒人）有好多心得，我身邊又有啲筍盤，不過渠哋比較怕丑唔肯上電視台節目。」

麥玲玲指現時TVB很歡迎大家給予題材：「以前我哋主持過類似節目，原來好受歡迎，所以都想再試。」

許廷鏗獲不少朋友朋友提醒要攝太歲，問到是否做了老闆後多了這些習俗？他說：「而家唔系要顧自己，員工好就大家都好。（有冇著紅底旺嚇？）冇，冇買，我去買好尷尬。」

他指今日是正式開爐日子，如見到他可以利是，希望大家逢凶化吉及財源滾滾。不過他因天氣變化大，最近有點不舒服，而且新年特別多人預約洗牙，身為牙醫的他笑言很多人要求要洗到見血。

此外，早前許廷鏗出席叱吒頒獎禮時，與復工的Collar問好及擁抱，他大讚成員SoChing（蘇芷晴）是非常強及勇敢的人：「我見到佢好堅持，我慨新年祝福都希望同渠分享，亦希望阿Mo（李啟言）可以儘快康復。」