柏天男澳洲成長「不幸」回憶致個性內斂
遭欺凌掟石仔啞忍瞞父母：而家麵皮厚好多
由黃子華及謝君豪等人主演的《毒舌大狀》上映短短12日，已衝破6000萬票房，走勢凌厲，創下香港史上港產片最快紀錄票房。今年多部賀歲片當中，《毒舌大狀》在口碑與票房兩大方面均創下佳績。
入行超過10年、模特兒出身的柏天男亦有份參與演出，今次他飾演廖子妤的入贅老公，周旋於有錢老婆廖子妤與情婦王丹妮之間，因為女兒的死，王丹妮被控虐兒，其後在黃子華的一次失誤，令王丹妮被判誤殺罪入獄17年，兩年後出現新證據，黃子華堅持為她翻案，最後發現兇手原來是柏天男。
雖然有不少人看完電影後，覺得柏天男、廖子妤與王丹妮之間的感情線單薄，但對於柏天男而言，他坦言今次是個難忘的經歷，亦會當作是一個十年的考驗，鑒於過往的成長路曾有不快經歷，希望能借著每次的演出，能夠有更多人了解他的故事。
訪問在《毒舌》的謝票活動前進行，柏天男似乎很著緊外界對這部電影的評價，對於三人的感情線，他認同欠少少交代：「其實系拍咗好多，我亦做足曬功課，不過所以嘢等導演去安排，我有好多朋友睇完都打畀我，冇諗過我會接呢啲角色，我諗自己系時候要有個轉變。」
柏天男飾演鍾京頤這個角色，全程對白不多，主要靠眼神和肢體動作去交代：「呢次都一個挑戰，導演同我講，叫我唔可以做得太多，同埋我要搵個安全島，當渠哋揭發咗少少嘢慨時候，要有個位去走，所以好多嘢要好輕微咁做，對我嚟講本來講中文系有少少障礙，但系今次系冇咗個障礙，好似仲舒服，唔使專注喺語言而系靠感覺。」
他還說：「我哋喺法庭拍咗4日戲，觀眾席嗰啲人最初唔知道發生乜嘢事，拍咗一段日子之後，眼神開始改變，好似拆穿咗件事，知道呢個人係為咗乜嘢事，點解要做咁慨決定，嗰陣好似有100個人用對眼喺度拆穿我，系好開心，系好特別慨經歷。」
柏天男從小在澳洲長大，爸爸是蒙古人，媽媽則是上海人，當年在新南威爾斯大學修讀藝術與設計，畢業後到一度到荷蘭工作，2011年返港轉行做模特兒再轉型為演員，入行初期曾有「翻版金城武」之稱，首次參演的電影是《L風暴》。
到底是未有受過正統的演藝訓練，難免會有碰釘的時候：「嗰陣做model，最緊要chok同型，但系而家要有原因去chok，而唔系chok住先。啱啱嚟仲有好多嘢都好模糊，為咗交屋租，好多嘢都會做，我記得啱啱入行拍嘢，試過俾導演勁鬧，渠問我做乜企喺度？
做乜chok到咁慨樣，駛唔駛咁？嗰陣我都唔知，平時都系做呢啲嘢，咪做住先，好似個杯，載滿曬啲chok樣、點著衫同企位，但原來系要倒曬渠，由頭再學過，重新再裝滿啲新嘢，到咗而家會深好多，會裝啲茶入去，睇落有啲唔同，好似俾人感覺成熟啲。」
他續說：「而家我要搵啲對演藝事業有幫助慨嘢，唔系樣樣都要，清楚知道自己想點行，好似以前為咗瘦乜都唔食，但系而家唔會，啱慨時候要做啱慨嘢，俾番少少開心自己。」
柏天男自覺是一個很幸運的人，入行至今遇上不少前輩，每次合作都有不少啟發，其中一個是廖啟智：「拍完《L》冇機會坐底傾，最多系喺慶功宴見到傾幾句，直到拍《P風暴》，渠問我拍成點，我真心同渠講覺得自己做得唔好，渠就話OK喇，咁即系承認自己有進步空間，咁先有進步，之後又跟過智叔上過10堂戲，渠講慨嘢好似系好簡單，但系諗真啲系會對你有領悟。」
之後到拍《毒舌大狀》，柏天男遇上Ceci老師（伍潔茵），簡直好似被「點醒」，他笑說：「因為渠慨另一半系英國華人，我就系澳洲華人，好明白我慨心態，老師話我做角色慨時候，系會比人哋特別多障礙，因為我有個西方諗法，又有一個唔咸唔淡慨世界同地道慨香港諗法，甚至仲有個華語慨諗法，所以我做緊慨時候，叫我要放棄某啲思想同諗法。今次演出同導演慨諗法系有啲唔同，最初系會喊多咗，但系導演叫我再收多啲，初初都有啲疑問，就咁就得？但系導演覺得嗰刻劇本需要咁做，充份做到嗰樣嘢就得，唔好加太多嘢入去。」
經過今次之後，柏天男對演戲又有一個大啟發：「我學識咗點樣做一個活生生慨人，當然仲有好多學習空間，之前系單方面，成件事系2D，憎你就憎你，愛你就愛你，但系而家系愛得嚟憎你，憎得嚟系愛你，甚至乎暪得嚟又想俾人知，深咗好多，我相信以後慨角色系會好唔同，可以大膽啲試多啲嘢，好似謝君豪咁講，渠拍完戲就會話『搞掂，我又要揣摩新慨角色』，好深刻，原來唔會留喺一個空間停留，要不停咁做，要搵新慨資源投入新角色，新挑戰。」
柏天男又笑言搣甩「翻版金城武」呢個名，人到40要重新開始：「我有好多計劃，希望嚟緊可以做精神分裂角色或者變態殺手慨角色，我喺澳洲長大，父母都好保護，但系偏偏有好多唔lucky慨嘢，有啲連爸爸媽媽都唔知。
我試過喺學校俾心恰，掟石仔，又有同學唔鍾意我父母，另外啲家長又唔了解我，到做嘢嗰陣又試過俾人推埋一邊，有好多委屈，做《逃獄兄弟》未出曬， 好想俾人了解或者間接講番個故仔俾人知，原來我喺澳洲經歷過咁多嘢，所以希望之後有一個更高慨角色，俾我多啲機會去表達，應該可以好滿足。」
未完待续,请点击[下一页]继续阅读
{nextpage}他還說：「以前唔系好敢同人傾偈，好驚阻住人哋做嘢，好細膽，但系而家唔會，麵皮厚咗好多，我唔會怕對方，就算相處幾唔舒服都有方法，只要你真誠對人，人哋一定會真誠對番你。」