52歲蘭茜自認難搵對象唔強求 淡出20年冇秘嫁富商更加冇離婚

52歲蘭茜淡出幕前20年，近期再度活躍，除去年參與ViuTV劇集《940920》，為曾志偉做《開心無敵獎門人》「替工」主持，兼拍了美發用品廣告外，更相隔26年返娘家商台開咪，主持881節目《茜選快樂》。

其實蘭茜成為「失蹤人口」後，坊間有不少傳聞，指她重返校園，又說她已轉行到古董店打工及成為書法家，甚至已秘嫁富商，但去年已離婚，當事人親自解畫，更多謝大家的祝福。採訪：杜杜攝影：朱偉彥

92年蘭茜在城大修讀英文系，未畢業已加入商台，之後亦效力過新城，但講到最為人熟悉必定是玩TVB的遊戲節目，其不顧形象，唔錫身表現換來不少演出機會。

至06年主持TVB《遊戲天王》後便淡出幕前，「我冇站在最前線啫！都有繼續接MC Job，好多謝以前慨客戶，搵我寫嚇嘢，做啲Marketing慨嘢，當時我好想讀書，做咗10幾年嘢，不停要輸出，覺得自己好多不足，好想再進步，學習多啲嘢，趁唔太老不如去進修嚇啦！」

讀完2個碩士古董店打工

當時蘭茜沒有公告自己重返校園，因選讀了很難考的中大人類學碩士課程，「讀書呢啲嘢好自身，同埋我唔知畢唔畢到業！哈哈！咁耐冇讀書都會緊張，要交功課，又要去到某個水平先至畢到業，所以我比較低調。」

結果重拾書包後，確實令她眼界大開，「之前做節目講埋啲搞笑嘢，返學真正學習點樣去表達自己諗法，呢種和而不同慨精神好好，每個人都講自己觀點又有唔同睇法，所以嗰兩年學到好多嘢，讀嗰科好著重跟老師去田野考察，睇到好多文化唔同慨生活，印證返讀慨理論，系好實在同好豐富慨旅程。」

之後蘭茜愈讀愈起勁，再到港大修讀輔導碩士課程，期間亦開始在上環的古董店打工，「真系返朝10晚6嗰啲工，好萊塢道間鋪頭有幾十年歷史，因為我對啲舊物同古董好有興趣，我仲寫信畀個老闆，話想喺呢度工作，渠系美國人，佢好好仲問我『幾時返得工』，我話『聽日啦』，咁就開始做，喺鋪頭學咗好多嘢，見咗好多舊物、古董，每件都有渠故事，但做咗接近7年，老闆年紀大要返美國冇再做。」

畫展遇Fans有開咪衝動

雖然不少同學都認得蘭茜，但她好快融入校園生活，「好似一般同學咁，好容易相處，其實我都鍾意玩，同埋我哋好多小組工作，大家要好快好熟，因為要一齊交功課。」離開幕前工作的日子，蘭茜完全沒有開咪及演出癮，「實在太忙，其實交功課好大壓力，唔會諗其他嘢，凈系諗做好份功課，仲要寫畢業論文。」

不過蘭茜有繼續聽電台節目，亦有留意娛樂圈動向，直到前年她舉行個人書畫展，得DJ好友Vani（雲妮）幫助，邀請一班粉絲聽眾捧場，令她即有開咪衝動，「喺畫展同渠哋再相遇，啲感覺即刻返曬嚟，好耐冇見，但唔知點解一講起以前或者節目慨嘢，大家冇曬隔膜，原來廿年都系一瞬間，見到渠哋做咗爸爸或者媽媽，工作上又挑戰新慨領域，好感動，就諗會唔會喺空氣中同大家見面呢？！開始有呢個諗法，好多謝商台慨Director and CEO Rita（陳靜嫻）同渠傾開，渠都話可以嘗試。」

節目名為《茜選快樂》，蘭茜就解釋：「去到呢個年紀，人都會有好多嘢唔開心，但系都可以選擇去開心，千祈唔好畀啲嘢困住自己，唔好執著，放開時當你懂得選擇，就系你快樂慨開始。」

自言一把年紀愛情隨緣

蘭茜淡出後有傳已秘嫁富商Johnny Cheung，去年甚至傳出兩人婚姻亮紅燈，她無奈苦笑澄清完全冇結過婚，「大家內心太善良太好，好為我著想，於是乎話『渠應該系嫁咗人』，好多謝大家對我慨祝福，我會繼續努力，放心！」

她更以簡單兩字來形容淡出後的感情生活，「平靜，哈哈！最緊要自我精彩，自我增值及愛自己先系最重要，你有足夠能量慨愛，先可以令到身邊人幸福。」

52歲的蘭茜現階段對愛情只求隨緣，對另一半亦沒特定要求，「你都一把年紀，好難講出特定慨感覺，最緊要相處到，同大家對好多嘢睇法要一致，尤其是價值觀，到咁上下年紀諗啲嘢唔同以前細個啦！就算同朋友相處都要調節，但系調節系要有底線。」

她承認對象難求，但沒有亦冇所謂，「唔會將呢樣嘢擺喺第一個重點，回歸返自己，生命裡面最重要系乜嘢？就系自己覺得幸福同開心，但系你唔系依賴人哋畀你嘛！」