TVB力捧七男女齐想挑战拍打戏！吴伟豪告别乖仔 黄庭锋拒做废物

踏入兔年，Ricco为了身体健康会积极操fit，“虎年开剧密得滞，冇乜时间做运动，希望呢年可以练好个身体，去到我人生最fit状态。”

除了想演奸角摆脱乖乖仔形象外，仲想拍动作戏，“训练班出嚟实习，嗰时有拍过《同盟》同《城寨英雄》，一拳俾人打低，或者一枪俾人打死，都有呢啲经验，但系打人就少啲，嚟紧都想试吓。”

罗天宇想孖细佬开食店

35岁的天宇虎年攞完“飞跃进步男艺员”机会接踵而来，去年拍了《旁观者》、《婚后事》、《再见·枕边人》及客串《法言人》，而每个角色都跟他本人性格有分别，故好期待今年推出。

属兔的他今年犯太岁，他希望是好的变动。另外亦好想跟细佬胡㻗合资做老板，“都有倾过夹份开间汉堡包店或者cafe，嚟紧睇吓有冇机会，我哋拍剧各有各忙，要分工先开到间铺仔。”至于幕前方面，“拍啲枪战打斗激烈啲慨角色，或者电影都想试吓。”

宋宛颖望拍剧做打女

23岁的Sabrina前年夺得港姐冠军后，主要做主持及司仪工作，虎年更孭飞主持多个大骚，不过去年底终有机会到内地参加真人骚节目《加油！小店》，“留喺上海3个月，发觉内地同我哋拍综艺节目有好多唔同，会有30几部机同时间对住，冇剧本，对我最大挑战系要用普通话。”

属兔的她，希望犯太岁的变动是有机会拍剧，更希望挑战打女角色，仲讲明唔怕辛苦同受伤，“为咗角色，只要拍出嚟好睇就得！唔怕辛苦，大家家对我慨认识就系MC，我唔想被定义喺呢个位，希望新一年有啲突破同唔同。”

李尔晨视陈豪为学习对象

30岁的Kyle，虎年参演两个真人骚《CP训练营》及《女王的密令》，不过他笑指节目太真实，自己经常忘记整理好仪容先出镜。未来一年，Kyle最想多拍剧，除了浪漫爱情故事，特别想拍励志题材及动作戏。

他说：“自己系运动员出身，都希望拍啲热血励志题材，仲想拍动作片，咁多年练落慨运动员身手，都想畀观众睇到。”刚在新剧《罗密欧与祝英台》饰演陈豪年轻版的他，更视前辈为学习对象，成为有演技又有慑人魅力的演员。