72歲程可為約滿TVB自由身接job 坦認有一段時間心情好難過

人稱「程大姑」的72歲資深演員程可為，自從《美麗戰場》和《超能使者》播映完後，有一段時間未有見她的作品推出，反而昨日為港台節目進行拍攝，原來她與TVB的合約已經約滿，目前以自由身接工作！

程可為在1972年入行後，到了1983年因為移民而離開了電視圈十多年，不過因為太愛演戲的關係，最後1996年回流返港繼續拍戲，結果一拍就拍咗27年，今次再度離巢，原來亦有一段故事。

她說：「起初無線唔再包薪同我續約，改為簽一年一個騷，我真系有一段時間系好唔開心，好難過，好似畀人離棄咁。不過事後自己放寬去諗，經濟唔好再加上我又年紀大，變咗要諗返人哋慨處境，體諒下人，儘量唔好令自己難過，就會變得開心啲。」

目前程可為拍港台電視劇，大部份時間在晚上10點就會收工，甚少會拍到天光，相比之下適合她現時的生活模式。

入行多年的程可為參與過不少演出，但大多數是獲指派母親或長輩級數角色，其中包括2009年《宮心計》演蔡尚宮及2011年《紫禁驚雷》演太皇太后，她曾經表示：「我系一個冇野心慨女人，但系好多同期同學以為我系好大野心，記得拍《乘風破浪》嗰陣，我角色好似成日教人、好似要話事咁，可能呢個觀念擺在落去渠哋個腦，渠哋覺得我系好大野心，好想向上爬，要做多啲角色出名。

我真系冇，覺得自己打份工，從來冇諗過要爭出鏡，令自己受人注意，我慨個性唔系咁，所以做咁多年冇咩仇家，冇咩人唔鍾意我，原因我根本唔同渠哋搶。做人系要實實際際、腳踏實地，總言之儘自己慨能力，唔系話一定會成功，但系做乜嘢都要盡力，問心無愧已經OK。」

拒認系富婆：如果系就唔使喺TVB挨

人稱「程大姑」的72歲資深演員程可為原來兩年前與TVB約滿，目前以自由身工作，1972年入行的程可為在1983年因為移民而離開了電視圈十多年，因為太愛演戲的關係，最後1996年回流返港繼續拍戲，結果一拍就拍咗27年，雖然復出拍劇多次被安排飾演媽媽或長輩的角色，但她一點都不介意。

有「御用阿媽」之稱的程可為，在現實生活中，因小時候經常見到父母鬧交，令她一直不相信婚姻，她曾經在訪問上表示由於爹爸爸有幾個太太，但她們會經常出現爭執，媽媽與爸爸亦經常為了一些瑣碎事吵架，令她自小就覺得婚姻不是一件美滿的事，所以多年來堅守「不婚主義」，很享受一個人生活的自由。

曾經拒絕過兩個男朋友的求婚，堅持不靠男人靠自己，寧願打一世工就好了！近年亦有不少人追問這問題，程可為亦不忌諱地說：「我點解要做媽媽？我至憎結婚，唔好同我講結婚，而家咁老都唔想結婚，我從來都冇諗過，亦唔覺得系一種幸福。

同時，程可為是圈中出名的富婆，經常出入「富豪飯堂」之稱的「福臨門」，不過她曾在訪問上否認此事並笑說：「如果系就唔使喺TVB挨，真系慘囉，搞到稅局以為我真系有幾千萬，人哋鋪頭系買好多富貴餐，有鮑魚、雞鮑翅、炆鵝掌同花膠，咁你會唔會日日都食呢啲?食得多我都死咗，仲邊度可以咁精神坐喺度！」

程可為謙稱自己只不過是一個喜歡享受的人，即使賺了$1,000，都可以大膽食$700：「每個人都有渠哋鍾意做慨事，我身上冇名牌，因為我唔好打扮，我剩系鍾意食嘢，冇罪架，而且多數系人哋請我，我好少請人，唔通叫多咗就唔食咩？埋單走喇！我唔得囉，做唔到，亦都有朋友批評我點解要拎走，如果倒咗渠咪好嘥？點解要嘥咗啲嘢？」