隱形戰隊｜跟馬國明相隔12年再合作 陳展鵬演反派充滿新鮮感

陳展鵬（煎Pan）在無線新劇《隱形戰隊》飾演奸角，他透露最開心是相隔12年後，以「身分互換」形式再與好友馬國明合作：「我好記得我喺無線第一套做男主角慨劇系《真相》，當年馬國明喺最尾嗰幾集做反派，我同渠都friend，會一齊踢波，當年好多謝渠支持我客串做反派，嗰時我已經講，希望將來有套劇馬明做主角時，我又可以做番反派，客串又好主位又好，呢個系我其中一個喺TVB最大心愿。」

談到相隔多年再演奸角，煎Pan最希望觀眾能期待和覺得有新鮮感：「咁多年冇做過反派，我一路以嚟最希望就系畀到觀眾新鮮感，所以做咩角色都冇所謂，反派、小角色、客串或反串都好，最緊要觀眾覺得陳展鵬有新鮮感，因為我哋一年裡面可能出幾套劇。」

根據官方連日來釋出的宣傳片，飾演擅長迷惑人心的康勝天（煎Pan飾），舉手投足及眼神滿是氣場，就連對白都相當有霸氣：「我康勝天，最鍾意就系啲無可能慨嘢變成事實。」

隱形戰隊｜陳山聰有史以來最大隻 拍劇迎兩大挑戰

由馬國明、陳山聰、陳展鵬（煎Pan）、江美儀、唐詩詠、劉佩玥、劉穎旋（Tiffany）、林子善、歐瑞偉、樊亦敏、伍樂怡和郭子豪等合演的《隱形戰隊》，將於3月6日播映。

據知為製作真實感及加強視覺震撼度，不少場面均是荷槍實彈，對此與監製Jazz（文偉鴻）合作無間的陳山聰，雖自《同盟》開始已建立好打形象，但他表示接拍《隱》至少有兩大挑戰：「特種部隊戲我系第一次演，仲要系反恐，無論造型、身形要求都嚴格好多，包括揸槍。

今次揸槍都得到好多方面慨指導，包括武指同專業人士，同埋因為多真槍，嗰下槍聲系好猛烈，同真系會有火花，變咗好容易眨眼。Jazz成日提我哋唔好眨眼，我都算系眨得幾多嗰位，出街時你哋見到我哋冇乜點眨，系因為Jazz下咗好多苦功剪接。」

山聰為演出做足功課，在首輪官方宣傳片曝光的「一人搶兩槍」神技，山聰單是事前反覆練習已花了2個月時間：「真正拍慨時候，都NG咗好多次，我都不斷要求Retake，咁努力都系想帶刺激感畀觀眾。」除了苦練槍法，山聰又花3個月時間健身：「今次系我有史以來最大隻。」

山聰贊日日一齊操Gym的劉穎旋進步神速：「其實我同Tiffany同一間Gym慨，所以變咗嗰時開始，我哋已經日日都見，渠今次真系更加進步。」

在劇中飾演CTRU Commander，山聰對此笑言私下在家中也是Commander：「我呢個阿頭日日都喺屋企落order，因為系得我嗌得Jaco（陳山聰兒子）聽，所以現實生活我爸爸呢個角色都系Commander嚟。」