梁朝偉劉德華相隔20年再合作互笠高帽 齊齊教壞蔡卓妍遲到兼駁嘴
劉德華、梁朝偉繼《無間道》後相隔20年再於莊文強執導的電影《金手指》中合作,宣傳片中見飾演反派的偉仔露出奸笑之餘更被打到爆缸。
對於相隔20年再合作,華仔與偉仔受訪時亦異口同聲表示對方成熟了不少,偉仔指再跟華仔合作覺得愉快及好夾。
文章來源:TVB資訊台 W博:@香港TVB資訊台
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
問到兩人再合作有什麽難忘事?偉仔指每次都有,皆因兩人由《鹿鼎記》合作到《無間道》:「每次華仔都有難忘事畀我, 今次正邪調轉,我做反派,似老千、梟雄、詐騙案主腦人物,(戲中被打爆缸!)我唔記得喇 。」
而華仔則大讚剪接及風格特別,看到偉仔被打爆缸後,自己也看了半小時後才知道發生什麽事。
對於再次與偉仔合作,華仔笑言偉仔從影后大部份也演好人角色 ,而偉仔今次的角色,在自己世界中亦不覺得自己是壞人,偉仔則指角色只是利用制度嘅漏洞去搵錢。
提到兩人於電影中的角色經常對立,問到下次有機會合作是否想在同一陣線?他們即說:「又可以。」
偉仔又指兩人平日各有各忙,但華仔亦會約他食飯及送紅酒給自己。問到華仔可以有恭喜偉仔得到亞洲電影大獎最佳男主角?他就表示有,之後更會再約偉仔食飯和送紅酒,而蔡卓妍(阿Sa)則笑說:「我送白酒。」
阿Sa表示今次能夠跟兩位影帝合作好開心,問到可有被兩人電暈?阿Sa則笑指儘量不去想。至於是否在兩位影帝偷師?偉仔即笑說:「學到遲到、偷雞、駁導演咀。」
另外,曾合作《尚氣與十環幫傳奇》的楊紫瓊日前奪得奧斯卡影后, 偉仔表示有恭喜對方,又透露每次得奬後楊紫瓊也會打電話給他:「試過有一次打畀我,當時我啱啱瞓醒,頭髮都未梳,佢後面成班人,我即刻要撳住個頭,不過今次冇打畀我。」
問到偉仔會否以奧斯卡為目標?他表示不會刻意計劃:「會發生就發生,當然都想同唔同地方嘅團體合作 ,(會唔會想好似華仔咁做監製?)我好享受做演員崗位,冇諗其他。」而華仔對進軍奧斯卡一事則抱隨遇而安態度,至於阿Sa則謂會會順其自然。
對於之前有指偉仔會拍Netflix劇,他就笑言因突然不想工作,想放多一年假,問華仔可會羨慕對方?他則指自己也有很多假期,只是不像偉仔般放長假。
提到他為電影《怒火蔓延》做監製,華仔表示因為想延續陳木勝的精神,所以選擇用另一種方式與對方合作,但該戲最快都要年底才開拍。