陸煥恆排骨變40吋胸肌男全因張家輝 《隱形戰隊》反恐大隻仔

參加TVB2020年《衝上雲霄大選》奪得季軍的陸煥恆（Godwin），在《隱形戰隊》飾演反恐特勤隊成員「馮進」，有大量著緊身Tee操練的場口，身材健碩的他大派用場。

原來178cm的Godwin曾經是120磅的「排骨仔」，見到《激戰》中的張家輝，燃起心中一團火，發奮狂操變40吋胸肌型男。撰文：杜杜

Godwin在加國大學畢業即返港做空中少爺，無心插柳下參加《衝上雲霄大選》，自知跳舞唔掂，更冇諗過得獎。

他說：「成功入圍有5千蚊咪試嚇，點知真係入到圍先同屋企人及女朋友講，最初只係諗住試嚇，決賽時跳舞又有甩漏，真係冇諗過可以攞到季軍。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

變大隻惹狂風浪蝶

現在Godwin一身結實肌肉，原來他足足花了8年時間操練，「我喺加拿大讀書時只有120磅左右，但我有178cm高，成日俾人笑排骨仔。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

但睇咗張家輝《激戰》後，好欣賞佢身形，佢嗰時都接近50歲都可以做到，於是上網睇片自學健身，慢慢見到啲衫開始唔啱著，開始有成功感就繼續操，最後愈嚟愈有興趣，仲想幫到更多人，咪考埋健身教練牌。」

Godwin承認變大隻後，多了很多狂風浪蝶，不論香港定外地、男女都有。

不過自言不隨便的他會客氣婉拒，參賽時更公開已有化妝師女友Joey 。

雖然《隱形戰隊》戲份不多，但Godwin認為是好好學習機會，而且演到反恐特勤隊很興奮，「係我第一套劇，第一次演戲，好新鮮亦學到好多嘢，最難得可以著住制服揸槍演出。」

對於未來，Godwin希望繼續演紀律部隊角色，特別是消防員，「以前睇《烈火雄心》，覺得消防員衝入火場救人好有型，現實真係唔會有機會接觸都好想試嚇。」