前新抱楊冪來港探小糯米 劉丹唔知情：冇見到

劉丹、呂慧儀、吳偉豪等今天（21日）宣傳處境劇《愛‧回家之開心速遞》，丹爺心情大好，即席高唱幾句《迎春花》迎春分。他表示平時很少唱歌，只是突然想起修哥（胡楓）才唱，問可有唱兒歌逗8歲孫女「小糯米」？他笑道：「唱來唱去都係嗰兩首，孫女未聽厭我都厭。」丹爺透露兒子劉愷威早前曾帶女友李曉峰迴港和他見面。

談到前新抱楊冪早前亦與父母現身香港，丹爺被問到楊冪是否來港探小糯米時？他則說：「我唔知喎！冇見到！係咩？」

丹爺指孫女在學校有很多節目，除參加運動會、鋼琴比賽，學校更安排孫女在活動擔任司儀，問可有過兩招給孫女？他即笑說：「佢好得意，參加比賽唔講我知，捧住個盃先話我聽，不過爺爺講嘢好遴迍，唔係咁醒，希望佢青出於藍。」

愛回家｜劉丹有見過劉愷威新女友李曉峰 傳「新新抱」有喜期待再抱孫

劉丹、吳偉豪、呂慧儀及滕麗名等今日出席《愛·回家之開心速遞》之「喜迎春分」活動，丹爺被問到春天要做什麽時，心情大靚的他即大唱《迎春花》，全場演員亦跟著他一起合唱。

之後到眾人分組玩立蛋及製作風箏時，又笑指眾人製作的風箏「不知所謂」及「冇一隻飛得起」。而早前曾經被傳調離劇組的林凱恩亦有現身，更加以露腰裝亮相勁養眼！

劉丹期待再抱孫

丹爺接受訪問時對於笑指平日並沒有經常唱歌，剛剛只突然想起修哥（胡楓）唱所以才唱兩句，至於在家是否有唱兒歌8歲孫女小糯米？他笑指通常由兒子劉愷威唱：「我唔識唱，兒歌唱嚟唱去都係嗰兩句，佢未厭我都厭。」

丹爺表示兒子早前在香港，不過現時已返回大陸工作，不過由於現在已過關，出入非常方便，可以經常往返令小糯米非常開心，而丹爺亦透露兒子之前有帶過女友李曉峰迴港跟他見面。

提到前新抱楊冪早前與父母現身香港，疑似是來港探小糯米，丹爺說：「冇見到！係咩？唔知，見唔到！」

至於有指劉愷威女友李曉峰懷孕兩個月，他指不清楚，但有聽過這件事，也期待有好消息。

復活節假期將至，丹爺就指現時孫女的節目比他更多，除了早前在學校參加鋼琴比賽外，稍後亦會在學校的活動中擔任司儀，問到是否有過兩招給孫女？他笑說：「爺爺講嘢好論盡，唔係咁醒。（青出於藍？）希望啦！」

吳偉豪爸爸獲邀拍劇

同場的吳偉豪提到偉豪爸爸吳大強成功進入《中年好聲音》十強，他指爸爸現時經常外出練歌，回家亦繼續練習，對於爸爸將於5月開騷比他更厲害，他就笑言自己也曾上過紅館舞台兩次。

他說：「兩次都係做修哥（胡楓）嘉賓，不過Daddy都試過做肥媽嘉賓，但今次佢有份參與，頭先佢哋叫我要識做，買定啲飛派畀劇組去撐場，我都諗緊到時我要開劇，唔知去唔去到，但點都會買飛畀親戚去睇。」

至於新劇《非常檢控觀》的監製表示有意邀請吳大強客串，身為該劇「男一」的偉豪就指也有問過爸爸，而爸爸亦沒有問題：「不過未知實唔實行到，因為佢個期仲難度過我（想演咩角色？）現實生活已經係父子，劇就唔想（演畀佢打？）都ok，我好掛畀佢打嘅日子。（成日畀爸爸打？）都有，始終4兄弟係百厭啲。」