隱形戰隊｜黃子恆演精神分裂角色獲讚 靠想像演活「自己打自己」

TVB劇《隱形戰隊》昨晚（29日）播出的「炸彈狂魔案」有驚人進展，涉案的火屎（彭懷安飾）及生番（董敬文飾）先後被炸死，沉教授（黃子恆飾）炸彈狂魔身分亦於同集曝光。

原來沉教授患有「人格分裂」，他之前遭黑幫頭目龍眼（張本立飾）威脅運毒，其間因反抗令被脅持的母親遭槍殺，大受打擊的沉教授發狂，將向其母狠施毒手的龍眼殺死，刑滿後再鎖定其手下火屎及生番進行大報復！

昨晚幾場戲拍得刺激，先說顧晨麗（樊亦敏飾）被綁架一幕，硬闖沉教授家的晨麗，意外發現沉母已死去，並揭發沉教授對著空氣自言自語；此時劇情驚揭之前無論沉教授與母親互動，或是遭到火屎等威脅，均是他自行妄想出來。由於晨麗知道太多秘密，沉教授將其綁架之餘，並同時策劃最後一場「醫院炸彈計劃」。

黃子恆無論處於兩大人格角力痛苦狀態、與空氣對話的神經質狀態、實施殺人計劃時的冷酷狀態均演繹到位；尤其「軟弱」與「暴戾」兩種不同人格切換更是精彩；尤其劇集尾段，黃子恆先是蠻有感情的望向晨麗，再慢慢走到其身邊，一字一句地冷冷吐出：「使乜咁驚啫？好快可以重生。」失焦的病態眼神加上似笑非笑，甚為嚇人。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

黃子恆受訪時表示「分裂」角色很好玩：「我之前都講過話，想試下演精神分裂，因為凡係生活模式同形態跟現實有好大差距嘅角色，演員都會覺得好玩，然後咁啱Jazz（文偉鴻）搵我做呢個角色，我都幾開心同興奮。」

黃子恆表示一人分飾兩角，事前準備確實比平時要多：「除咗造型上有戴同唔戴眼鏡嘅分別，我要好清晰咁賦予一啲言行舉止，畀呢兩個人物，分別要夠大令觀眾會分到。其實同呢個邪惡人格類似嘅角色，我之前有涉獵過，但作為演員唔會想重複演繹方法，所以我都有諗點樣同以前比起上嚟有分別。」

本單元另一亮眼代表，則為Cool Sir（陳山聰飾）家姐晨麗。樊亦敏（Amy）將「花痴傻大姐」演得入型入格，前晚（28日）一集的「港女放電四式」獲網民大讚可愛。

談到角色入屋，Amy笑言：「多謝大家鍾意，好多謝監製畀黃子恆呢個帥哥做我暗戀對象，仲要佢係危險人物，對我嚟講都幾新鮮。」

Amy續指角色造型亦是經過刻意設計及配搭：「係想突出少女心事但又唔過火，後面仲有好多我見到男仔對眼會發青光嘅情節，大家唔好錯過。」