唐唐压轴献声感谢哥迷从未遗忘！郭富城荣幸曾为张国荣伴舞

继续宠爱‧二十年‧音乐会丨

唐唐压轴献声感谢哥迷从未遗忘 郭富城荣幸曾为张国荣伴舞

张国荣《继续宠爱．二十年．音乐会》昨晚于红馆举行，演唱会尾段，陈洁灵与张国荣隔空合唱《谁令你心痴》，古巨基则演唱《Dear Leslie》及《风继续吹》向张国荣致敬。

演唱会最后郭富城惊喜现身，从舞台下升起又唱又跳《Monica》，重现经典舞步，更有逾20名舞蹈员伴舞，现场随即high爆，观众纷纷站起跟着一起跳兼报以尖叫声。

郭富城唱毕《Monica》后，指著天及向天送上飞吻，接着他说：“今晚系一个好特别慨日子，20年，哥哥一直喺我哋慨心入面，一直都喺度。我记得我入行第一个骚，系1986年慨《星光熠熠耀保良》，我好有幸同佢表演，不过嗰阵做dancer，好荣幸好开心曾经为佢伴舞。

我仲记得佢仲请我哋食饭，对dancers好好。其后我做咗歌手，一直都觉得佢先系真正慨舞台王者，冇人代替到。佢成笑住对dacners讲：‘畀心机，畀心机！’我真系有畀心机㗎。虽然过咗咁多年，相信全球歌迷都好锡Leslie。”

接着郭富城演唱张国荣第一首金曲金奖歌曲《有谁共鸣》，唱到一半郭富城说：‘我好记得哥哥攞第一首金曲时，唱呢歌时话：‘我唱呢只哥唱到眼湿湿，以后我唱呢首歌都要笑住唱。’”然后著观众一齐拍手，场面感人。

音乐会完结前，现场屏幕放出哥哥与挚爱唐鹤德的合照，唐唐录音献声悼念哥哥：“古人有一句说话系咁样讲：‘死而不亡者寿’，原来死亡并唔系一个终结。被遗忘慨，先至系。好幸运，哥哥喺佢呢20几年慨演艺生涯里面，佢演过好多令人印象深刻慨角色；唱过好多动人心弦慨歌曲；亦都留底咗好多姣、靓、型、寸慨舞台表演，呢啲都成为咗我哋慨集体回忆。

更幸运慨系，哥哥有一班一直以嚟都咁爱佢、咁锡佢、咁挂住佢慨好朋友、哥迷同影迷。我喺呢度代表哥哥衷心咁多谢大家。今日系一个特别慨日子。

我哋就衬住今晚呢个机会，一齐回忆哥哥慨过去、回忆佢慨真、善、美，延续对哥哥慨爱同思念。继续宠爱，张国荣。”

郭富城在接受访问时，直言跟哥哥有很多难忘回忆：“我啱啱出道，哥哥已经系天王巨星，对我嚟讲系一个好遥远慨事，但Leslie对人毫无架子，好锡dancers，所以你见我而家都好锡Dancers，我觉得呢种就系传承精神。”郭富城透露因觉得《Monica》和《有谁共鸣》很有意义，所以自己特别拣选这两首歌来唱，希望用这两首歌去怀念对方。

而早前在美加举行巡回演唱会时，郭富城亦有在当地宣传新戏《断网》及《风再起时》，以及参与当地电影展并且得奖。郭富城表示最初也担心赶不及回港，但幸而经安排后亦能顺利参与今次演出，他指现时最大问题就是时差，每天早上8、9点才能入睡，相信要过一、两星期才可以调整睡眠时间。

至于如何庆祝得奖？他说：“其实系一种鼓励，攞完就放低，继续做想做慨工作，舞台系我最热爱，又可以唱歌又可以跳舞、同啲fans互动，好开心。”郭富城亦预告今年会专注演唱会及音乐上的工作，至于电影则随缘。