隱形戰隊｜林子善爆喊戲獲讚 獲馬國明看好膺最佳男配角

馬國明（馬明）、陳展鵬、林子善、江美儀、劉穎鏇、陳山聰等，今天（2日）到荃灣宣傳《隱形戰隊》，並宣布收視報捷，第11集及12集七天跨平台總收視，分別錄得26.9點及175萬觀眾收看，亦是2023年兩線劇集單集收視冠軍。

林子善於上周五播出的一集，3場喊戲演技獲高度評價，他在台上說：「我一路睇一路喊，老婆問喊夠未，就唔喊等老婆瞓咗再睇自己喊，阿媽都讚做得好，還問兩行鼻涕食唔食得。」

馬明大讚這位《鐵馬尋橋》好兄弟終於大個仔，等他今年攞「最佳男配角」獎，子善即淚崩求馬明不要再講，馬明亦忍不往眼濕濕。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

陳展鵬首度參與該劇宣傳，客串演Big Boss奸角令觀眾有驚喜，他表示需因檔期問題，主角改由馬明演，但差不多10年沒演奸角，客串演出也不介意，他說：「我其實鍾意，《法言人》我都有客串，希望有點新鮮感，拍得咁辛苦最重要是自己過癮之餘，觀眾亦睇得開心。」

女兒「小豬比」Quinta日前4歲生日，問展鵬是否忙於為女兒拍片上載社交網？他笑道：「呢期少咗，因為她3歲時開始懂性已識得Say No，都需要問她，免得因拍片影響我們之間關係。」

隱形戰隊｜林子善講到兄弟情忍唔住爆喊　觀眾望佢奪最佳男配角獎

林子善昨天（2日）出席《隱形戰隊》宣傳活動時，一提到「兄弟情」忍不住爆喊，他接受《香港01》訪問時，當提到馬國明，又再度流下男兒淚：「頭先馬明搞到我喊曬，佢同我講，細佬呀，好感觸嘅眼神，OK啦，你終於大個啦，掂㗎喇咩咩咩…嘩，然之後（爆喊）sorry啊，爭少少忍到㗎喇，你硬係嗌馬明做乜鬼啫。」

子善平復心情後續說：「因為二哥不嬲都好錫我，佢唔講，阿妹就比較直接講，我就話二哥唔好講啦，跟住佢就話得㗎啦，點知喺台上面，之後佢又講我真係忍唔住啦，其實我真係唔想喊㗎，喊係好辛苦會喘㗎，但係我同佢感情太好啦。」

另外，林子善在《隱形戰隊》表現甚佳，多場感情戲睇到觀眾眼濕濕，有網民認為今年「最佳男配角」非子善莫屬！對此，子善回應：「我知道遊戲規則，觀眾幾鍾意都好，都要比公司感覺到你係值得，就算唔比獎我，我都會咁努力去做好。」