非常檢控觀｜梁超怡演陳煒少女版每日拉筋2小時苦練一字馬：好痛

港姐梁超怡（Joey）昨日（11/4）現身深水埗出席派飯活動。提到首次加入TVB新劇《非常檢控觀》飾演陳煒少女版。

Joey大感興奮：「雖然戲份唔多，但要演呢個角色係一啲都唔容易，因為當中有好多情緒起伏嘅變化，同埋我係一個好鍾意跳芭蕾舞，所以我為咗呢個角色我就去咗學跳芭蕾舞。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

Joey為了提升身體柔軟度，不惜每日苦練2小時拉筋練一字馬：「其實我本身個人啲筋係好硬，加上我係做唔到一字馬，變咗我而家每日都加緊練習，分4組去拉，每組煒個鐘，加埋都有2個鐘，過程係好痛，成個人係標曬汗震曬。我明白做一字馬係要細細個嘅時候去開始，去到我呢個年紀先去練一字馬係相當困難，咁所以我係唔怕辛苦，我會盡我所能去完成。

雖然劇本冇講話我要做一字，但我作為演員我都要準備定，怕一陣導演要加我戲嘅時候，我要隨時可以做到。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

港姐林鈺洧私下夜訪露宿者　見慘況感難過：好唔開心

港姐林鈺洧（Denice）昨日（11/4）現身深水埗出席派飯活動。Denice表示：「今次係我第二次落區派飯，對上一次係我個人名義同幾個朋友去咗深水埗露宿者集中聚居嘅地方都派飯，我見到佢哋嘅處境，我係有眼濕濕。

我係好唔開心，畢竟我係知道香港有貧富懸殊，但我係唔知道會咁惡劣。經過嗰次嘅探訪之後，我覺得自己係好幸福，令我明白到要知足常樂，亦都要有感恩嘅心。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

Denice希望在不久將來能夠成立一個慈善機構，幫助弱勢社群：「其實呢個諗法，我係諗咗好耐，明白到自己冇乜知名度，所以我先去選香港小姐。

呢一年我透過唔同嘅方式，都認識咗好多唔同嘅慈善團體嘅高層，亦都問咗佢哋好多唔同嘅建議，請教咗佢哋好多，希望可以學做呢一樣嘢，然後將呢件事可以發生。」