江美儀㩒撈爛做冇投訴恨賺外快 酬賓價接Job慶祝攞視後

江美儀年初憑《下流上車族》首奪視後，在得獎後的首部作品《隱形戰隊》中，跟劉穎鏇的母女情再被讚賞。原來美儀這個「媽咪」，同「仔女」有特別溝通方式，令大家更投入演出。

而早前獲「華鼎獎」視後提名的她，以酬賓價接Job慶祝攞視後，另外，6月會去日本跑山獎勵自己，更想拍亞洲素食旅遊節目。

採訪：杜杜 攝影：錢文坤 髮型:Ivan Lee@headquarters

美儀坦認攞完視後只是一個階段的結束，新階段開始便是由零開始。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

談到首次合作演母女的劉穎鏇，美儀有讚冇彈，「佢真係好搏，又靚女身材又好，但佢唔會恃住靚同埋身材好就唔努力，佢好勤力去健身又成日打到瘀曬，佢嘅努力過多幾年一定會有更好成績。」

雖然美儀經常跟劇中仔女有衝突，但私下卻跟他們相處融洽，原來有秘訣，「我都係用嗰個方法，就係叫佢哋做功課畀我，要佢哋諗兩個角色之間關係，個角色點解會做呢啲嘢，佢會對於個角色更加了解，我同啲仔女啲關係就係咁建立。」

「華鼎奬」有提名當攞獎

繼奪得TVB視後，美儀開心憑《下流上車族》再入圍內地「華鼎奬」 最佳華語女主角最後8強，她笑言港劇女主角只得自己有提名已當得獎。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

她又感恩得獎後剛巧通關，希望有機會去其他地方賺外快，更宣布會以酬賓價接工作，「慶祝我攞視後，價錢係大酬賓，總之電視框（Discount）好大，優惠去到幾時就睇大家反應，熱烈就繼續落去，我呢啲㩒撈爛做冇投訴，少吃唔多餐，仲要係食齋啫！哈哈！」

美儀已計劃好6月跟10多名朋友到日本長野參加跑山比賽，之後轉戰東京玩，「之前去日本行山就有，第一次去跑山，但唔會博老命，都係搵藉口參加比賽又留嚇倩影呃嚇like，之後再去東京行outlet瘋狂買嘢，2020年嘅3月後我都冇去過旅行，係時候去玩嚇。」

此行她還打算為籌拍的旅遊節目做資料搜集，「我提議拍個節目去外地食素菜，舊年唔係疫情就拍咗，希望今年可以拍得成啦！」