洪永城做女儿奴劲锡囡囡！意外捧红小Edan搞笑要中介费

胡美贻赞洪永城口才了得　倪嘉雯拍旅游节目爆喊

倪嘉雯（Carmen）与胡美贻（Nicole）今晚（14日）为无线游戏节目《思家大战》录影，Carmen表示今次是首度参加《思家大战》，直言非常期待：“我集集都有睇，每条问题都答到，我同阿妈讲我去玩一定赢到好多钱。”

至于第二次玩的Nicole就指并非想像中容易，上次最后变零分，问她今次是否来复仇？她说：“我哋要靠Tony（洪永城），佢要醒啲。（你同佢一齐去亚马逊拍节目，佢醒唔醒？）佢幽默多啲，我哋都系搞笑底，不过佢今日个外观比喺亚马逊时好好多，佢之前畀人感觉好唔整洁。

（佢有冇传授啲主持功力畀你？）我头几日食得好饱，佢字字中Point，好容易畀观众感受到个氛围，我依家讲嘢都字字有力咗。”

问她有否以泳衣上阵？她笑言原本想跳河，但被大家阻止：“因为我唔识游水，而且佢哋话有人跳完只眼盲咗，所以都几危险，不过Tony就真系跳咗。”她称自己虽然无跳河，但有徒手爬40米高的树，戏言下次可挑战爬IFC。

而Carmen就到了吉隆坡拍旅游节目，她称拍到最后一日时，跟导演讲感受讲到喊：“今次去咗两星期，大家之前原本唔识，好难揾到一班人咁夹，好似同朋友去旅行咁。今次系我第一次拍旅游节目同去吉隆坡，系拍摄时间长啲，但唔算好辛苦。（有冇著泳装上阵？）我都唔系呢个路线，但因为天气太热，所以都有着背心短裤。”

洪永城做女儿奴劲锡囡囡　意外捧红小Edan搞笑要中介费　

艺人洪永城（Tony）今晚（14日）担任TVB游戏节目《思家大战》嘉宾，提到他主持的节目《成人教科书》捧红了小Edan（蔡施齐），他笑言：“佢依家有广告拍，我呢个主持人都冇，平时大家会笑佢好似Edan，但我都冇谂过佢会咁红，我应该要问佢妈咪攞番中介费，因为系个广告商问我攞小Edan妈咪联络方式，我问准咗佢妈咪先畀，我呢个中介人分番两成都差唔多。”

他指香港的小朋友经理人公司不多，自己可以开公司分一杯羹，问他是否想签小Edan？他开玩笑说：“系，倾紧，签佢20年，我讲笑咋！”

讲到Tony可签自己的女儿，他称要签一世，后来正经道：“唔想佢过多曝光，每个人慨取向都唔同，费事佢太过招摇，系有广告商接触过我，咁其实对个小朋友冇影响，系对我金钱上有影响。

但我自己有吖嘛，所以钱唔系主要因素，最紧要系合适同开心。总之唔想佢过度曝光，暂时都系喺我哋自己社交网开心分享，因为一讲到商业就变晒意义。”

另外，问到《成》会否开拍第二辑？他坦言不知道，但认为能开第二辑当然好：“如果开新一辑，都唔知用番原本嗰啲定系再拣新，拣小朋友都花咗三、四个月，系好难拣，依家拣出嚟慨都系精英中慨精英。”

而他最近又跟J2的一班靓女艺人主持旅游节目，众靓女被笑指是Tony's Angels，他透露有跟胡美贻一齐到巴西拍旅游节目，笑言也是时候要将主持心得承传给新一代。