升呢做人妻︱張秀文教堂行禮「媒人」林盛斌見證

34DTVB咪神張秀文上月曬出婚照報喜，宣布嫁「皮草太子爺」王大業堂弟、現年30多歲嘅金融才俊王大權（Billy），原來話咁快大喜日子已到。

今日（23日）好友林盛斌（Bob）上載與一對新人於教堂前影嘅合照，留言寫道：「又搞掂一單！恭喜恭喜！」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

張秀文之所以認識到依家嘅老公，系多得「金牌媒人」Bob撮合，難怪呢位媒人咁戥佢哋高興！作為新娘子嘅張秀文就未有更新社交網，唔少網民紛紛留言送上祝福。

「媒人」收新郎哥利是

Bob回覆東網表示：「今日系好開心嘅，見到佢哋有情人終成眷屬，同埋要好多謝佢哋特別安排，完咗簽字儀式之後，佢哋喺教堂入面同屋企人合照，影完兩張最重要嘅男家女家之後，主持人開咪叫我上去單獨同佢哋影，突然之間覺得自己地位好崇高，哈哈！

成個過程都好感動，特別系佢哋講誓言嘅時候，我都眼濕濕！最好笑嘅系佢哋嘅爸爸媽媽同親戚不斷咁同我講多謝，有兩個親戚仲問我有冇筍盤介紹畀佢個女！

仲有新郎哥實在太客氣，我都畀佢嚇一嚇，無啦啦塞咗封利是我，我話唔使搞呢啲嘢，推推拉拉咗一輪，佢話一定要收，啲賓客又喺度望住，搞到好鬼尷尬，哈哈！總之衷心祝福佢哋幸福快樂，快快脆脆生幾個小朋友啦！」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

譚嘉儀入行10年終於開處女個唱：好感動！

歌手譚嘉儀宣布將於明年1月28日在麥花臣場館舉行首個個人演唱會，門票今日（23日）起公開發售。

嘉儀由歌唱比賽入行已經10年，期間創作了多首歌曲，包括《印記》、《扯線木偶》，翻唱的幾首大熱金曲《陪著你走》、《今宵多珍重》都廣為人熟悉，而一系列的英文歌曲《Can You See》亦深受注目，她為今次演唱會特別做了一首跟演唱會同名的主題曲《Eyes On Me》。

她表示：「今次演唱會主題系eyes on me，所以好想大家嘅目光只放喺我身上，尤其系對眼，所以影海報當日化咗個好靚好彩色嘅眼妝，我系從來未試過嘅，估唔到出嚟嘅效果好好，連我自己都唔敢相信，真系好鍾意！辛苦團隊幫我設計咗咁靚嘅造型！」

她亦開心終於開到騷：「當聽到可以開演唱會嘅消息，我真系好感動，等咗10年終於成真，真系好興奮又感動！由起初唱cover，再擁有第一首屬於自己嘅單曲同專輯，一步一步去追尋自己嘅音樂夢想，依家終於可以舉行個人演唱會！真系好多謝公司，仲有身邊嘅朋友家人，呢個演唱會系屬於大家嘅，希望大家都會嚟支持。」