鍾嘉欣湊三子女會胡杏兒一家五口「全院滿座」

網民提議搵埋鄭嘉穎陳豪兩家儲夠一打小朋友

現年38歲的鍾嘉欣2015年嫁脊醫老公Jeremy Leung，返回加拿大溫哥華定居，婚後專心相夫教子，先後誕下兩女一子，細女Anika Linda Leung去年10月底出世，目前剛剛好半歲大，肥嘟嘟勁可愛。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

最近鍾嘉欣湊三個子女返港，早前出席楊茜堯（前名楊怡）囡囡的生日會，又湊子女到迪士尼樂園玩，行程忙碌又充實。

昨日（2日）鍾嘉欣再貼新相，見她與好友胡杏兒聚會，鍾嘉欣的三個子女，加上胡杏兒的三個囝囝，陣容好龐大！

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

鍾嘉欣最近回港不斷相約以前的TVB花旦好友聚會，先帶著囡囡參加楊茜堯囡囡「小珍珠」的生日會，之後又與昔日「處女黨」好姊妹李亞男一同湊小朋友游海洋公園。

昨日鍾嘉欣再在IG貼出，湊住三個小朋友與胡杏兒一家五口聚會的照片。

鍾嘉欣的6歲大女Kelly、4歲二仔Jared與剛滿半歲的細女Anika，與胡杏兒的5歲大仔大仔Brendan、3歲二仔Ryan和上月剛滿2歲的細仔Liam，總共六個小朋友、兩個大人逼滿梳化。難怪連鍾嘉欣也留言寫上：「Full House（全院滿座）。」

相中見六個小朋友都精靈活潑，鍾嘉欣的大女Kelly還雙手放在下巴前扮花留影，相當可愛。而兩個靚媽當然都完美凍齡，依然好省鏡！

身為媽媽的兩人好友楊怡也留言說：「唉吖，我都好想加入吖！」已經生了兩個的雨僑也留言說：「真係好Full呀」同為「處女黨」的好姊妹王君馨已英文留言笑說：「你哋好cute啊！搞到我都想生三個BB！」結果引來胡杏兒老公留言笑說：「唔好啊！OK，講笑！生啦！之後先向我大叫。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

其他網民見到畫面亦覺得好感動：「成個畫面好熱鬧，係青春係回憶，睇到好感動呀！」、「長大後可以拍一部《家好月圓》了，齊人了。」

還有網民笑說可以再找陳豪及陳茵媺、鄭嘉穎及陳凱琳兩對夫婦合照：「搵埋陳豪、鄭家穎，咁就有一打小朋友一齊影相啦！」